الجمعة، أكتوبر 26، 2007 على الساعة 00:56



كنت تحدثت في مدونتي على تقرير منظمة فريدوم هاوس حول أوضاع مناطق استراتيجية في العالم (و تحدثت فيه زادة حول هوية المنظمة هذية)... فمة تقرير سنوى من نفس المنظمة حول واقع حرية الاعلام في العالم (و تم التعرض فيه للاعلام العربي).. التقرير إلي يغطي الأحداث الخاصة بسنة 2006 (يتسمى تجاوزا "تقرير 2007") خرج بالتحديد في 1 ماي 2007 حسب إعلان صحفي أصدرتو المنظمة... في مقال في جريدة الصباح (25 اكتوبر 2007) تم التطرق لمحتوى التقرير متاع فريدوم هاوس و المقال متاع الصباح يحتوي في المقدمة متاعو الجملة هذية: "صدر قبل ايام التقرير السنوي لمنظمة " فريدوم هاوس" حول واقع الاعلام في العالم... ولعل اول ما يلاحظ ان غياب اخبار هذا التقرير ونتائجه عن مختلف وسائل الاعلام العربية "... و لهنا واضح إلي كتب مقال الصباح ما فيبالوش إلي تقرير الفريدوم هاوس خرج توة عندو 5 أشهر هذاكة علاش حتى حد ما يحكي عليه في الايامات هذية.... الحقيقة فمة حاجة هي خرجت الشهر هذاية حول الموضوع في موقع فريدوم هاوس تابعة لتقرير حرية الصحافة 2007 و هي الخريطة متاع التقرير... صدور الخريطة تحدثت عليه بعض وسائل الاعلام من أيامات... و هو حدث لأن الخريطة بش تكون من أهم مكونات "متحف الأخبار" إلي يقع التحضير ليه حاليا في واشنطن

لهنا نحب نقول زوز حاجات: حاجة إيجابية أنو الصباح تحدثت على الموضوع و أسهبت في تحليلو وهي حاجة ما ريتهاش في بقية الجرايد التونسية (بالمناسبة التحليل لهنا متاع الصباح قام بلي يلزمو يتعمل يعني مش تلخيص إلي جا في التقرير بل أيضا حطانو في إطارو بما في ذلك خلفية منظمة فريدوم هاوس)... هذا يبقى إيجابي حتى و لو أن الصباح قامت بتلخيص عام حول "الاعلام العربي" مع عدم التخصيص على المضمون الخاص بتونس في التقرير هذاية... لكن من جهة أخرى قامت الصباح بأحد الممارسات بودورو إلي تتمثل في تقديم أخبار بايتة و مش مأطرة زمنيا... يعني إلي كتب المقال لو حاول الاطلاع على موقع فريدوم هاوس راهو عرف إلي الخبر إلي يستحق التغطية الإخبارية الآنية هو الخريطة مش التقرير نفسو

بالمناسبة لهنا يمكن الاطلاع على تفاصيل التقرير (بالانجليزية) دولة دولة حسب الترتيب الأبجدي

مرسلة بواسطةهيئة تحرير بودورو
التسميات:

هناك 6 تعليقات:

غير معرف يقول...

Mais la presse tunisienne n'a jamais eu l'audace de parler du classement mondial de la liberté de la presse fait par Reporters sans frontières..
Les journalistes tunisiens (à quelques exeptions près biensur..) mahomch 7abbine yonfdou 3la rwè7hom elghabra..
Alors qu'ils s'enfencent d'avantage dans la bassesse et la médiocrité w chouf èch koun mazzèl bech yéchrilhom eljarayed mta3hom..

غير معرف يقول...

mais freedom house est censué en tunisie, c'est deja tres bien qu'on y fasse référence!

et prendre le risque de montrer qu'on arrive a contourner la censure!

غير معرف يقول...

ce plumitif de "essabah" confond le rapport de freedom house et le rapport de "rsf" paru il y a 10 jrs.
a ce propos la tunisie est classee
148 sur 160 en matiere de liberte de presse

غير معرف يقول...

@Malek

Je corrige..
Notre classement est plutôt 145ème..
3 places font une différence.. non..?

lol

غير معرف يقول...

Pour télécharger le fichier voici le lien:

http://mihd.net/x69khl

غير معرف يقول...

شبيكم على صحافة بودورو؟ علاش ما تتلهاوش زادة بصحافة بودينار ؟ نقصد جريدة الموقف ؟ صحافة بودورو بطبيعتها سعدها مكبوب وعمرها ما قالت أنا صحافة تقدمية ملتزمة أما المصيبة في الجماعة اللي عاملين رواحهم معارضة جادة وهوما ما يزيدو على جماعة بودورو كان بحديث السقايف و العقليات الإقصائية
وإلا كل من قال أنا معارض يولي خارج النقد؟