النسخة الوؤقية للبوبيلاس والنسخة الالكترونية للراي العام الخارجي

ممكن الرقابة ميش موجودة بصفة رسمية علي النسخة الرقمية

أهلا طارق,

كيما قلتلك المرّة الفايتة, الغلاف متاع النّسخة الورقيّة متاع الصّباح ما هو إلّا قشور ينبغي التّخلص منها والمرور مباشرة إلى اللّب.

القشور هذي (وكيما أيّ قشور) مجعولة حسب رأيي باش تحمي الجريدة من عوامل التعرية المختلفة (الرّيح, المطر, الرّقابة...).

باش نفهمو الوضعيّة هذي, انّجمو نتأملو الوضعيّة المقابلة: فمّا جرايد تتّبع سياسة هي نقيض سياسة الصّباح, وهذي السّياسة تتمثّل في جعل عناوين جذّابة توحي بأنّو الجريدة جابت الصّيد من وذنو. على سبيل المثال, توة 10 سنين تقريبا, وفي يوم من أيّام الجمعة, خرجت علينا جريدة الإعلان بعنوان بالبونت العريض كيما يقولوا المصارى: "الإعلان تكشف أوراق الحكومة". بالطبيعة, النّسخة تمّ سحبها فورا من كلّ الأكشاك. ثمّ تبيّن بعدذلك أنّو "أوراق الحكومة" اللي كشفتها الإعلان هي توقعات (موش حتّى أخبار جازمة) متاع ميزانيّة وزارة من الوزارات المغمورة.

ـ

ama article ya3mel kiff!!
khsara famma article bark bahi fil jarida.
3ala koll khir min blach

@Hedi

ساعات يقويو الدوزة شوية راهم:

شوف التقتوقة هذي مثلا

الأسلوب المستعمل هوني يذكّرني بنصّ معروف للمفكر الفرنسي "مونتسكيو".

ـ

لو كان ماجاتش ثمة رقابة على المدوّنات راني قلت اللي الرقيب مازال كائن ورقي!
في الحالة هاذي نميل أكثر للتصور الأول اللي اقترحوا طارق و هو التفريق بين قارئ بودورو و آخر لا

التوهامي: هذاكة أحد الاحتمالات...

سمسوم: الرقابة ماهيش موجودة بصفة رسمية حتى في النسخة الورقية (قانون الإيداع الأخير)... الرقابة غير الرسمية... غير رسمية

بشير: أية أسمع عادة حل مدونة و شارك معانا في المجهود يزي بلا كسل... و ما تقوليش وقت على خاطر التعليقات متاعك تزيدهم شوية ترتيب يوليو تدوينات... من جهة أخرى مازلت ما نجمش نحسم في الموضوع... يعني تحس ممكن الأمور مازالت حسية.. ربما هوما أنفسهم مازالو مش واعين بأبعاد و معاني الازدواجية هذية... إلي يخليني نشك هو الاضطراب... على كل بالوقت أتوة نشوفو

العادي: إي و الله الصحفي (الغريبي) هذية أول مرة نقرالو... يظهر فيه قلبو معبي... مرة أخرى أنا نمن إلي عندنا في تونس مواهب صحفية.. المشكلة ماعمرها ماكانت في عقم في الموهبة الصحفية

ويروولف: إي مقاربة أكثر منطقية... برغم هذاكة.. الواحد يلقى البودورو ساعات في الرقمي من خلال طريقة تقديم و توضيب و محتوى المواضيع... على كل حال هانا نتبعو في... الصحفي لباب الدار