الأحد، ديسمبر 02، 2007 على الساعة 21:16

تقوم الصحافة الوطنية منذ مدة بنشر مقالات اشهارية للعرافين و المشعوذين و الاطباء اللي ما حطوش ساقيهم في جامعة الطب (هو الصحيح انهم ماحطوش ساقيهم حتى في مدرسة ابتدائية و الا حتى تحضيرية).
و هذا شي مانجمو كان نفتخرو بيه و نعتزو بيه في مفتتح القرن 21 و بعد 50 سنة استقلال و 3000 سنة تاريخ و حضارة,
من نتائج القفزة الطبية الهائلة و التطور الكبير اللي يشهدو الميدان الطبي في تونس انهم : السرطان , السيدا , البوصفير بانواعه الثلاث , العجز الجنسي العقم ... كلها ولات امراض من الماضي , امراض بسيطة , و علاجها اسهل من شربة ماء .
ملاحظة بسيطة اننا في بودورو كنا طالبنا في وقت سابق بوقف المهزلة و تتبع الدجالين و العرافين و المشعوذين , لكن بعد مراقبة تطور السوق الطبية الموازية و الازدهار الكبير اللي يشهدو القطاع موش في بلادنا فقط و لكن في كافة البلدان العربية و على القنوات الفضائية فإننا -ومن منطلق تشجيع الانتاج المحلي و النهوض بالاقتصاد الوطني و صموده في وجه تحديات عولمة الاسواق و المنافسة الخارجية - نحيي الصحافة الوطنية (و خاصة الاعلان صحيفة العرافين ) على مجهوداتها و نقترحو عليهم اسقاط المعاليم الاشهارية على هذه المقالات
لمساعدة الاطباء التوانسة على التحكم في التكاليف.


الصورة اللي لفوق هي لطبيبة سيدي الهاني اللي تعتبر مجددة في ميدانها حيث انها تداوي بالله و ربي(؟) و محمد و الاولياء الصالحين للي توصل للزبيبة و الخيط .
ة

الصورة من صحيفة الاعلان ليوم الجمعة 30 نوفمبر 2007

مرسلة بواسطةهيئة تحرير بودورو
التسميات:

هناك 4 تعليقات:

Bechir يقول...

وجود مساحات يوميّة في بعض الجرائد للبعض من هؤلاء الدجّالين ينجّم يعطينا فكرة على المداخيل الكبيرة اللّي يقبضوا فيها وعلى عدد الأغبياء اللّي يمشيوا "يداويو" عندهم.

تبقّى فما حاجة محيّرة في الموضوغ هذا: شبينا عمرنا ما سمعنا بواحد شكى بدجّال على خاطرو ضربلو فلوسو وما فادو بشيء؟ وإلّا بواحد آخر كسّر راس دجّال على خاطر هربلو بالملمّة واللي ثمّة؟

نتخيّل أحداث كيما هكّة يلزم يكون العدد متاعها كبير (في ظلّ ما يوحي به عدد الإعلانات و إنظلاقا من مبدأ كون هؤلاء الدجّالين دجّالين بالحقّ) والتكتّم عليها موش ساهل برشة... اللّهم إلّا إذا كانت الجرائد تتعمّد عدم نشرها...

ـ

غير معرف يقول...

Je me suis permis d’ajouter ton excellent blog à la liste des sites lus par ce nouvel aggrégateur ..

غير معرف يقول...

Ce qui me surprend et que je n'arrive pas à expliquer c'est le silence total du conseil de l'ordre des médecins !!! ça ve dire quoi parcequ'il y a les mots: Allah, Mohamed, Awlia2 assalihine, le coran c'est quoi ça? Devrait on fermer les facultés de médecine à ce rythme là? Quelqu'un à une explication ou bien c'est un partage de territoires et de clientèle....

غير معرف يقول...

السلام عليكم، شوف زادا قمة الجهل"بلاكة أولاد الكبير" والله شي يحشم كي نشوفوا إعلانات كيف ما هاذي... (بربي زعمة شنوة يصير نهارة الي تقرر البلدية باش تنحي البلاكة!!!! ) و كيما قال خونا بشير إعلاناتهم تدل على حجم مداخيلهم، رغم الي هذا ما ينفيش إلي فمّا بعض "الأيادي الخفية" إلي تعمل على تشجيعهم وتشجيع الجهل "باش تسهال عليهم الغمّة" .." je demissionne...