الأحد، أغسطس 12، 2007 على الساعة 23:40




أنا في بالي اللي عصر السحرة والدجالين و الخيميائيين ( هاذم اللي يحوّلو الرصاص لذهب ) مشى على روحو , من وقت اللي كانوالاوروبيين يعيشو في مناطق الظل و يعانيو من الجهل و الامية و الاوبئة والحروب الإقطاعية و الميزيريا الكلبة , و من حملات صيد الساحرات اللي لا تسيّب لا من سلم لا من كفر ... لكن يظهرلي اللي في تونس الغد (اللي داخلين بيها على الألفية الثالثة ) عملية مماثلة تبدو اكثر من ضرورية.
و السؤال اللي يطرح نفسو هو علاش مع ارتفاع نسب التمدرس و التأطير ارتفعت نسبة الإيمان بالخرافات و المشعوذين و المشعوذات و علاش القطاع هذا يعيش انتعاشة قصوى على عكس بقية القطاعات الإقتصادية...

و السؤال الاهم هو علاش الصحافة التونسية تتبنى حملة نشر الجهل و الفكر القروسطي (تحت غطاء اشهاري)؟ , علاش المرّة هاذي قامت بدورها كيف ما يلزم و هي اللي بعمرها ما تحمّلت حتى مسؤولية و بعمرها ماقامت بحاجة تصلح اصلا؟

علاش الصحافة الوطنية (حرام فيهم الصفة هاذي) ولات مرتع للمشعوذين اللي يسترزقو بالتحيّل و الضحك على الذقون و يحققوا في ارباح طائلة ؟( ما هياش محسوبة في قاعدة الاداء على الدخل او معفاة اصلا من الضرائب). و اشكونهم المسؤولية على المهزلة هاذي ؟

على كل حال اكثر جريدة مرشّحة لنيل دورو الفكر القروسطي لشهر اوت هي جريدة الاعلان اللي تستغل فترة الصيف لتكثيف المقالات اللي تعدد انجازات العرافين المختصّين في العلوم الكل : الامراض النفسية و العضوية و الجنسية و الروحانية و فك العقد الدفاعية و الهجومية و الحفاظ على عذارة الشباك و تسهيل الزواج و تقريب المكتوب و جلب الحظ و الربح في التجارة و النجاح في الدراسة ...

ك










الإعلان عدد 1738 من 10 الى 16 اوت 2007


مرسلة بواسطةهيئة تحرير بودورو
التسميات:

هناك 7 تعليقات:

Werewolf يقول...

يزي يا راجل خلي الناس يخدمو على رواحهم ...أيا تصوّر واحد منهم يصدق و يضرنا بـ tour de magie ;-)

3amrouch يقول...

اسمع ريت هاك الي قالك باحث وعندو ثقة في خبرتو و في بحوثو.
شوفو بربي عندوش كنفنسيون مع بلجيكيا،هاو قالك بلاش دبلسمون،شكون يعرف نستحقلوش لعز

al_moudir يقول...

l'arnaque est très visible sur leurs visages ! la pub est assurée par les sevices publiques comme pour les centres de massage bordéliques !
merde

Clandestino يقول...

@werewolf:
مالا عمّل على ربّي و حل بيرو انتي زادة و اخدم على روحك

@amrouch:
هو عندو كنفنسيون مع العالم كامل
اما ...انتي علاش مستحق للخدمات هاذي
تتطلعش كيف سي خوينا اللي تفضح في للسبيطار

@moudir:
هو من حق اي جريدة في العالم انها تعمل مداخيل اشهارية
اما باش تولي وسيلة للتحيل على المجتمع و مطية للناشطين في القطاعات المشبوهة باش يزيدو ينتشرو و يعرفو بارواحهم و يغرقو الشعب في المعتقدات البالية هذايا غير مقبول و عار علينا الكل اننا نسكتو عليه

brastos يقول...

et si ce n'était pas ça,pourrait-on "fabriquer" ces gens dont on a tjrs besoin...ceux qui NE PENSENT PAS .
faut dire que tout ça , c'est dans le cadre de la liberté de paresse...
oups..!!
pardon ..
je veux dire : la liberté de presse !!!!!

Rue de la paix يقول...

Coucou,

j'organise un jeu à l'échellede la blogosphère tunisienne les "tn bloggers secret story"

Tout est expliqué dans les deux derniers postsde mon blog

http://ruedelapaix.blogspot.com/

Je serais vraiment contente de te voir participer.

Merci d'avance

Lalou

MoMo يقول...

Salam
Ces gens supersoniques peuvent tout faire ou presque, il y at tout les choix, je propose de former une élite pour luttrer contre les israliens et sauver les gens à Ghaza.
moi je participe avec un dourou symbolique