إن شاء الله عام طيب على المستويات الكل و خاصة الصحافة

و ما ذا بينا ترجعولنا بأكثر نشاط خاطر الفترة إلي فاتت ركحت شويا المدونة متاعكم

كنت أتمنى أن أكون على هذا القدر من التفاؤل حتى ان اقتصر على عشر الكأس الملآن..صحيح أنّ صحف دار الصباح على قدر معين من المصداقية و الجرأة و لكنّ هذه الجرأة تبقى محدودة للغاية و بعيدة عن المطلوب اضافة إلى أنّ الصباح تتمتع بنوع من "الحماية"(سمعت أنها انخرطت في مشروع المبادرة الأميركية للشرق الأوسط).أمّا باقي الصحف فأراها محافظة بامتياز على بودوريتها و حتى ان قامت بتغطية أخبار النقابات و المعارضة فذلك يكون مناسبتيا و بطريقة سطحية للغاية

أهلا طارق, وعيدك مبروك وعامك مبروك

أنا زادة متفائل كيفك خصوصا بعد ما شفت عدد "الصّباح" متاع اليوم.

كي العادة, تقتوقة باهية في البداية, اما بقلم كمال بن يونس المرة هذي:

http://www.assabah.com.tn/pop_article.php?ID_art=6269

الأهم, أنّو العدد هذا يحتوي على حوارات مع العديد من الوجوه السّياسيّة اللي موش لكلّها "محسوبة على النظام" كيما
يقولوا ,خصوصا ميّة الجربي:ـ

http://www.assabah.com.tn/pop_article.php?ID_art=6278
http://www.assabah.com.tn/pop_article.php?ID_art=6279
...

الحاصيلو, 11 حوارا مع 11 شخصيّة سياسيّة تونسية و العديد من الشخصيات الأجنبية... عدد دسم يستحق القراءة حسب رأيي.

كان بودّي أنّو أسماء الشخصيات المحاوَرة تكون في الصفحة الأولى, أما الله غالب, ما تجيش كاملة

ـ

المازوشي... عامك مبروك... عندك الحق رخينا شوية المدة لخرة... ظروف مختلفة خلات المجموعة الكل لاهية... ربما زادة حبينا ناخذو فترة نقاهة... على خاطر يتعب الواحد كي يكثر من البودورو
:)

أبو معاذ.. الصباح نتصورها متنوعة العلاقات و مش ممكن حصر علاقاتها في الاتجاه إلي ذكرتو... هذاية مبني على معطيات عندي فيها الثقة حول فريق التحرير متاعها... فمة حاجة أخرى فمة خطوط تقعد حمرا بغض النظر على العلاقات إلي عندك مهما كانت قوية... و فمة أمثلة كثيرة تأكد الكلام هذاية... بالنسبة للجرايد لخرى فإنو المناسباتية إلي أشرتلها هي نفسها حاجة جديدة... و أنا يظهرلي من المهم الانتباه لكل الجزئيات بش الواحد ياخذ موقف موضوعي قدر الإمكان
عامك مبروك

أهلا بشير.. وينك يا راجل... الروابط لعدد اليوم محطوطين في التدوينة... إلا "مقال" بن يونس.. إلي هو يندرج في نفس الاتجاه إلي ذكرتو...
أية عامك مبروك
بالمناسبة كان تنجم إتصل بي الإيمايل إلي في مدونتي

إنشاء اللّه من فمّك إلربّي

عامكم مبارك يا جماعة

:D

دردشـــــــــــــــــــــة
بمناسبة
2008 قبل 2009
باش إنعاود ندخل الجامعة مرة ثالثة باش المستوى يتحسن شوية.
و الدّردشة أتولي تعجب العروسة و العرب الكل زاده.

*
إنشاء الله نعمل زوز دروس في اللغة الخشبية
*
شوف يا مدير
قاسم... عنيف ...عنيد ...شديد
و إلتالـــــي لا لا لا !
*

يا سي المدير، ثم كلام لازمو يتقال و لازمو يتكتب و لا زمو يتحكى في القهاوي و في الأعراس و في كل بلاسطة. الموضوع الي حبيت نحكي عليه : هو القابلية متع التونسي للقمع ! الشخصية هذه إتنقصلها ترضى ! تكذب عليها إتشيخ، تضربها إتزيد إتذل، إتهجّرها ترجع راكعة. الشخصية هذه يا سي كورتي تتقبّل كل شيئ لأنها فقد سبب الوجود متاعها على الأرض. ما عاش عندها أنفة و عزة. المفاهيم الصحيحة ما عاش تعني حتى شيئ بالنسبة للتونسي. التونسي ولات عندو حاجة معروفة : الرّحمة لا . التونسي ولى نقمة موش على المجتمع متاعو فقط بل على روحو أيضا. شخصية خفيفة، مخنوقة، تحتضر، معجولة، مذبذبة، ولات تشطح مع الشطاحة، ترقص، تضحك و الضحك عليها. و خاصة الشخصية المثقفة الي واقفة اليوم عين جهار مع الدكتاتورية و ما أكثرهم، الناس هاذوما موش حب في الدكتاتورية، إنما تملّق و شماتة في الديمقراطية بكل أنواعها...ناس ما عندها شيئ لا علم، لا رجولية، لذا باش إتولي ظاهرة للعيون لازمها تاخو موقف على الحبلين ...لا هو غادي و لا هوني، و في الواقع ما عندوش بلاسطة في العالم جملة و تفصيلا.

تضربت الشخصية هذه في الصّميم، الحاكم التونسي عبث بكل شيئ، بالثقافة، بالعلم، بالتعليم، بالمدرسة، عبث بكل ما هو حكمة و كل ما هو إصرار و عزيمة و بحث على الذات. إتخلقت إذا شخصية جديدة غريبة على الأنسانية جملة و تفصيلا، الحياة و العزّة و الكرامة ما عاد إتمثلها حتى شيئ بل أصبحت نافرة كل شيئ ...شخصية إتمزقت جملة و تفصيلا. الحاكم التونسي شلّك كل شيئ ، شلّك القصة، شلّك السينما، شلّك المسرح، شلّك الصحافة، شلّك العلم ، شلّك المعرفة.

لهذه الأسباب التونسي ما عاش عندو قوّة و لا إرادة باش يصنع روحو و يخلق من العدم شيئ. خمسين سنة ديكتاتورية إنتجت شخصية فضفاضة ، ما هيش واقفة على سقيها، شخصية دربوكة الي إيجي إنجم يضرب و يتعدى ...شخصية طبلة يظرب فيها الرّيح.

الشخصية باش إتفيق هذه ، لازمها رجة أرضية، رجة صحيحة تقلب المفاهيم و إترجع الميزان لبلاسطو ...لازمها فكر صحيح و رجال ما زال ما هيش حابة تربط الخيول. لازمها مناشير و أوراق تتوزع على الديار في الليل ...لازم الشعب يعرف أشكون حاط الكيلو اليوم و قادر باش إدافع عليه...لازمها عصافر إطير فوق السطوحات ...لازمها يا جماعة نساء تتكلّم في كل بلاسطة في الجامعات في الليسيات في القهاوي في الحمام و في الأعراس. الصور متع الكلب و البهيم لازمو يتكسر و لو بالحفران تحتو ميات الكيلومترات.

إنشوف الي النخبة مازال تستنى ...ما نيش عارف فاش تسنى !!!! ثم عملية إنتضار مفتعلة من طرف نخبة فاشلة ما عندهاش ما إتقول و ما تعمل...تنتضر في إشكون باش يتحرّك الأول...باش تعطيه بمقص ...الظرب يا سي كورتي لازمو حتى في ها النخبة الساقطة الي تلعب هلى الحبلين ...و ما وجودها على الساحة السياسية إلا لدّزان العجلة و التنكبين و الفساد.


قاسم
.

ملا قاسم متاع سي وذني المدونة إلي يعبدها ما يسيبها

الموضوع ممتاز جدا
entrümpelung
entrümpelung
entrümpelung wien