الاثنين، ديسمبر 10، 2007 على الساعة 18:08

فمة مقال راج في الانترنت منذ أسبوعين بإمضاء شخص أول مرة نسمع بيه اسمو "فيصل الصمعي" تنشر في الصباح الأسبوعي (26 نوفمبر) تحت ركن جديد ما شفتوش الحقيقة قبل هو ركن "كليمة"... المقال بعنوان "شهوة عازب" (هنا) تنشر في عدد من المواقع الالكترونية التونسية خارج تونس و الحقيقة نسخايب فمة خطأ كي شفت أنو المصدر إلي يقع الاشارة ليه هو "الصباح الأسبوعي"... السبب أنو المقال باللهجة الدارجة و ما نتذكرش أنو دار الصباح بمختلف صحفها تحتوي مقالات باللهجة الدارجة... لكن السبب الأهم في شكوكي أنو المقال أكثر جرأة من العادة من خلال أسلوبو و لكن زادة في محتواه بما أنو "شهوة العازب" هي حرية التعبير.... طبعا بعد بحث تبين أنو المقال فعلا تنشر في "الصباح الأسبوعي"... ثم قعدت نحاول نتبع الأعداد اللاحقة متاع "الصباح الأسبوعي" آخي ما لقيتش مقالات باسم "فيصل الصمعي" لكن شفت في العدد إلي فات أنو ركن "كليمة" تواصل من خلال مقال جريء أيضا (هنا) كنت تعرضتلو في تدوينة سابقة (هنا).... لكن المرة هذية بالفصحى و باسم "حافظ الغريبي".... لكن في عدد اليوم متاع "الصباح الأسبوعي" لاحظت إلي ركن "كليمة" تواصل و المرة هذية مقال باسم "فيصل الصمعي" و بالدارجة... و بعنوان "قلبان الفيستة" (هنا)... و هو موضوع حساس خاصة بالنسبة للناس إلي تمارس "قلبان الفيستة" و إلي هومة طبعا من الشرائح الاجتماعية شديدة الانتاجية... على كل حال يبدو أنو "كليمة" بش تولي ركن قار في "الصباح الأسبوعي"... و يبدو أنها تمثل توجه جديد ينقص من أسلوب "العطلة الإعلامية" متاع نهار الاثنين إلي كنت نشيرلها خاصة في علاقة بـ"الصباح الأسبوعي"... طبعا تتواصل مشكلة تقديم المقالات إلي تعرضتلها المرة الفايتة بين النسخة الرقمية و النسخة الورقية... أكثر من هكاكة المرة هذية النسخة الرقمية حطت مقال "كليمة" في آخر صفحة الانترنت... و هذاية يعمق الغموض متاع نوايا الناس إلي قائمة على النشر في الصباح

على كل... نحيي أسلوب "فيصل الصمعي" و محتوى مقالاتو.. و نتمنى ينجح بش يكون خليفة كاتب "لمحة" إلي هي ركن قار في "الصباح" اليومية لـ"محمد قلبي" إلي ربما قرب سنو للتقاعد... و لو أنو فمة اختلاف في الأسلوب... على كل حال هذية كليمة ضرورية بش نأكدو على أن دور مدونة "بودورو" ماهوش التهكم المجاني بقدر ما هو الااهتمام بمستوى الصحافة التونسية بشكل عام

مرسلة بواسطةهيئة تحرير بودورو
التسميات:

هناك 11 تعليقًا:

Takkou يقول...
أزال المؤلف هذا التعليق.
Takkou يقول...

Voici une information qui peut t'interesser et eventuellement donner une idee sur l'identite de Fayçal Som3i :
تنظم الدورة السابعة لأيام صالح الخميسي للأغنية الفكاهية من 5 الى 8 جويلية الجاري ببادرة من دار الثقافة باب العسل واللجنة الثقافية المحلية بباب سويقة.

وستعقد في إطار هذه الدورة ندوة حول "فن الإضحاك مقوماته وأبعاده: الأغنية الفكاهية بين القديم والجديد" سيحتضنها برج البصيلي بباب الخضراء ويديرها الأستاذ عبد الرزاق الحمامي .

وستقام بالمناسبة سهرة فنية مع الفكاهي رضا الحجام الى جانب أمسية شعرية للشاعر الفكاهي فيصل الصمعي وتقديم مجموعته الشعرية الجديدة "هكة الدنيا" التي أرادها تكريما لرواد الشعر الفكاهي

والأغنية الفكاهية في تونس على غرار حسين الجزيرى وعلي الدوعاجي وصالح الخميسي .

ولعشاق الفن الرابع نصيب في هذه الدورة من خلال عرض مسرحية "مافيا" لجمعية أنصار المسرح باريانة.

ويتضمن برنامج هذه الدورة كذلك تكريم الأستاذ والمؤرخ الراحل الحبيب شيبوب الذي أرخ لرواد الشعر و الأغنية الفكاهية في تونس.

Tarek طارق يقول...

شكرا تاكو على المعلومة... و الله باهي إحياء تقاليد الشعر الفكاهي بالدارجة

nasr يقول...

نتبعوا السارق لباب الدار..

Werewolf يقول...

هو في الحقيقة عندو مدونة لكن مازالت عذراء و نتذكروا شارك مع لطفي بندقة في برنامج حنّبعل في حومتنا

http://somai-faycal.maktoobblog.com/

Neodallo يقول...

Kima 9al ech'cha3er haka el 3am: Un peu de finesse dans un monde de brute.
Ikteb ou rabbi m3ak ;)

24Faubourg يقول...

http://www.globalnet.tn/index.php?option=com_content&task=view&id=4158&Itemid=325

غير معرف يقول...

يا حسرة عالحربوشة في جريدة الشعب. نفس الأسلوب و الروح متاع لمحة أما كانت عندها مساحة أكبر إّبرشا زادة... يا حسرة...

غير معرف يقول...

يا حسرة على حربوشة و على باكو حرابش
سي محمد عندوا مدة مللى خرج تقاعد ياسر تاعب صحيا ربى يشفيه

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien