الأربعاء، فبراير 13، 2008 على الساعة 11:18


كالعادة, السيّد علي بن نصيب يقدملنا مقالة نموذجية في الحرفية الصحفية و الحياد و الموضوعية و الوضوح و دقّة المعلومة... مقالة لا راس لا ساس... ما تفهم منها شي...
بالطبيعة هيأة بودورو (و الحمد لله ) ما يفوتها شي , تعرف شنوة او شكون يقصد بالـ " السهام الصدئة " , أما القارئ العادي البسيط اللي يحب يتبّع الهدرة و يحب يفهم فـ... يدوخ و يدهش في امرو, و يغرق في بحر الثلب و الشتم و تطييح القدر العلني , و يلقى روحو للعنكوش في القاموس المفضّل لسي بن نصيب و اللي حفظنا الكلمات و العبارات -ماعون الخدمة- متاعو كيما "سن اليأس السياسي " و "الانتحار امام اسوار العمالة و الخيانة" و "الفهلوة السياسية" و "الارتزاق" و "التسكع" و "التسول امام السفارات"...
فمن الصعب تحديد الشخصية او الشخصيات المستهدفة , و الاسباب و الاحداث و الوقائع اللي صارت باش تبرر استهدافهم بالطريقة هاذي ؟؟

و يفتح الباب امام التخمين و الدقازة , زعمة شكون ؟؟؟ زعمة يقصد الصيود متاع الجامعة ؟؟ روجي لومار ؟؟ فتحي المولدي ؟ سي الكافي متاع الصنادق الزرق و الحمر ؟؟ و الا يطلعشي يقصد فيّاض و عباس ابو مازن ؟؟؟ و إلا زوجة عمرو موسى ( على خاطر يبدو انو الشخصية هاذي من جنس الاناث) ؟؟؟ و الا كائنات مريخية شريرة تتربص بسي بن نصيب و تنغص عليه في حياتو ؟؟؟
كيما قلنا , احنا نعرفو شكون و لكن موش باش نقولو شكون... فهذا مذهب جديد في الصحافة يلزم نشجعوه و نعاونوه, و الاكيد انو فمة مسابقة لتحليل المقالة و اقتراح اجابات و العاب و جوائز هامة في انتظار الفائزين, و ما يجيش نفسدو التشويق و نحرقو الفيلم متاع سي بن نصيب, اللي كان وفي لنفسه , لصورته و جمهوره , و ظهر بمظهر البطل و المراهن الجدي على لقب الصحفي بودورو.
لذلك المقالة قدامكم و انتوما حاولو تطلعو و ربي معاكم..

اللي ناقص نظر و الا نسى المرايات متاعو ينجم يكبّر المقالة من هنا

مرسلة بواسطةهيئة تحرير بودورو
التسميات:

هناك 11 تعليقًا:

غير معرف يقول...

سي علي بن نصيب ...مريض ..و مريض ياسر بالدّم الفاسد ! الشيئ عاملو ولسيــــــــس في لسانو ! فحم الرّاجــــل من البكاء و من الوجيعة ...قالبو واجهو على الوطن ...لدرجة و في عوض الكاشكو الأحمر ...طلّعولو بطـــــــــاقة وطنية بـــــــدورو ! و صب جميع الغضب متاعو على أشكون طيحولو دارو بالبلدوزر ، على إشكون نحولو الجنسية ، على أشكون هز شعار لا وصاية على قبعورية المتوط ...هذا سي علي باش إنحيلــــــــو الدّم الفاسد و بالطريقة الي نعرفها أنــــــــــــــــــــا !!!! و على الهواء مباشرة

قاسم

Bel Malwene يقول...

برّا الله يهلكك يا "علي يا بن نصيب" و الله لا يجيبلك قسم و لا نصيب من هالثلب الّي تكتب فيه (ديجا ياسر عليك كلمة تكتب خاطرك ما تنجمش تسمو لمرتبت الإنسان الّي يكتب ... إنتي تتقرع ) ... هاذا تنجم تسميه ثلب مباشر و بذكر الأسماء يا حيوان يا رخيص يا بايع روحك بأقل من دورو ...

Bel Malwene يقول...

نشالله نهار التاريخ يقيدلك هالوسخ الي تحط فيه فالبابي توالات متاعكم و مسمينها جريدة ... وكانك مقتنع بالكلام متاعك هاذاوتكتب فيه عن صدق و قناعة فراك مهبول و براا شوف بسيكاتر, و إذا ماكش مقتنع فهاذا أخطر و أخطر, راك خواف قلاّب فيستة ماكش راجل
نشاله تسامحوني الناس الكل كاني كثرت شويا ... أمّا راهو هالهوايش هاذي ما ينجمو يفهمو كان بمنطق فاسد كي منطقهم و مستواهم.

غير معرف يقول...

mon seul commentaire je le tire de la fin du diaree de ce pseudo jour-na-lier ان لم تستحى فاصنع ما شئت

غير معرف يقول...

Salam
Sam7ouni ya jma3a, mais y-t-il quelqu'un qui a pu au moins déterminer de quoi parle cet article????. Je pense que les journaux sont devenus des places publiques pour les insultes et les gros mots. En plus je pense que j'ai raté un épisode d'un feuilleton de 9ba7a.

غير معرف يقول...

Sihem Massadda, ya 7asra 3lih.
Sihem heki titan latdhoub wla tit3awwej wala tsadded. Titan yifhim essayed illi 3arabitou mostalehma mel mosalsalet elmasriyya.
2al tejir shanta 2al.

غير معرف يقول...

mahouch rajel ,sabbeb ,tahhan, kifou ki salah el hajja

غير معرف يقول...

7ayawen 7ayawen, ya rabbi jiblou bus wala train fi thnitou khallina nerte7ou men mant9ou il3adem rahom kherbou lebled

Unknown يقول...
أزال المؤلف هذا التعليق.
غير معرف يقول...

بربي تو انتم شادين في بن نصيب علاش اخطو الراجل خليه يدبر راسو تي ه>اكة حيوان في بالو عامل افار كي النهار الكل يسب في العباد و الله احسن حل خلو يقول اش يحب تي كان خوانجي في الجامعة و تو قلب الفيستة خايف يلقى روحو في بوفردة انا ما نحبش ننزل للمستوى متاعو اما راهو يستهل الكي بالنار و المنطق العادم ما يداوى كان بالمنطق العادم تي على الاقل برهانم بسيس يعرف كيفاش يتقفف اما ه الكلب هذاداخلها فركة و عود حطب....

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien