الاثنين، ديسمبر 03، 2007 على الساعة 15:45



حبيت نلفت الانتباه للمقال إلي خرج في "ليكسبراسيون" (عدد نهار الجمعة 30 نوفمبر) و إلي تم فيه التعرض لمدونة بودورو إلى جانب مدونات تونسية أخرى.... طبعا تعرضت الصحف للمدونات التونسية في السابق و لكن إما من خلال تجاهل مدونات مهمة و التركيز على نوع محدد من المدونات (و هي الطريقة إلي يتم فيها تغطية المدونات في صحيفة "لابراس") أو من خلال التهجم عليها (كيفما حصل على بودورو و صديقنا "ب ت ب" من قبل "الصريح")... لكن المرة هذية لاحظت إلي فمة رؤية فيها جدية أكثر في تناول موضوع المدونات بما يشير لدور التدوين التونسي في المشهد الإعلامي المستقبلي.... بما أنو بدى ينجح في اختراق حدود المنابر الإعلامية الكلاسيكية و هي ظاهرة حاصلة أصلا في بلدان أخرى سبقتنا في المجال هذاية

و كذلك نحب نشير إلي أنو نشرنا "ميثاق" المدونة (في العمود الأيسر) و إلي حبينا من خلالو تأكيد إستقلاليتها و حيادها و عدم ارتباطها بأي أجندات سياسية... و طبعا بأنها ماهياش موقع صحفي و إنما هي موقع متاع ناقدين للصحافة من موقع القراء... و هذية مناسبة لإعادة التذكير بالعنوان الالكتروني للموقع بالنسبة لمن يرغب في الاتصال بهيئة تحرير الموقع
boudourou.pulitzer@yahoo.fr

مرسلة بواسطةهيئة تحرير بودورو
التسميات:

هناك 5 تعليقات:

غير معرف يقول...

Sans doute le meilleur article dans la presse tunisienne à propos de la tunisphère jusqu'à maintenant.

Werewolf يقول...

يظهرلي هذا دليل على حياد مدوّنة البودورو. من أخطأ نقول له أخطأت و من أصاب ما نحشموش باش انقولولو أصبت و سامحوني كان حكيت بضمير المتكلمين على خاطرني نعتبرها مدوّنة جميع التوانسة الغيورين على صحافتهم اللي ولاّت الأسوأ في العالم العربي.
ا

roy mustang يقول...

salut tous le monde mithak du blog apparait ché moi en carreau veuillez traduire svp

Tarek طارق يقول...

حسين و ويروولف: بالضبط مدونة بودورو مهتمة في نفس الوقت بإبراز تميز يعض المقالات... الباهي و الخايب مقاييس لبعضهم

نيرفانا قوست7: أهية نسخة..

مدونة بودورو... تــُــعنى بـــمـُــراقــبــة الـــمـــقـــالات الصادرة بالصحف التونسية ... و بالذات الكشف عن المقالات و المُـــمـــارسات المـُـــنافية لأخلاقيات الصحافة... أي المقالات التي تـُــخالف أبجديات العمل الصحفي (موضوعية, نزاهة, حياد, حرفية... )... و تحمل بودورو اهتماما خاصا بالمقالات التي تعتمد اللغة الخشبية و المقالات المُــــغالطة...
مدونة بودورو... مدونة مـُـــستقلة و مــُــحايدة ... و هي لـــيـــست موقعا صحفيا ... و ليس لها أي إنتماء سياسي أو أية أهداف سياسية...
هيئة تحرير بودورو تنشر المقالات الرديئة للقراء بهدف انتخاب أسوئها آخر كل شهر... و هي فرصة شهرية للمدونين لاختيار:
أسوأ صحيفة. أسوأ مقال و أسوأ صحفي
يــُــتـــوج المـُــنــتـــخبون الأوائل على التوالي بميدالية الدورو الذهبي , الدورو الفضي, و الدورو البرنزي.
و تــُــوجه لهم رسائل التهنئة من طرف المـُــدونين ... قصد حـــثــّـهـــم عـــلى مـــزيـــد الـــبـــذل لـــعـــدم الــتــتــويج بجوائزنا ثانية...
بودورو لا تهدف للتشهير أو الإساءة لأحد ... بل هي مبادرة غــيــورة على مستوى الصحافة التونسية.
بودورو مفتوحة لجميع القراء و المدونين للإسهام فيها ...و لإرسال اقتراحاتكم ... يـُــمكن الاتصال بأعضاء هيئة تحرير بودورو على العنوان الالكتروني التالي

roy mustang يقول...

chokran