الخميس، ديسمبر 17، 2009 على الساعة 19:54

استعمال الشعر أو ما يشبه الكتابة الشعرية الساخرة للتعليق السياسي ظاهرة عريقة و في العادة تعكس قدرة على الابداع في الشكل لتبليغ مضمون معبر و عندو معنى. الشعر إلي يستعمل اللهجة الدارجة و بشكل ساخر زادة من الطرق الابداعية الصحفية/السياسية القديمة و المؤثرة. و بالنسبة للأمثلة العربية تتميز مثلا الصحافة المصرية في الماضي و الحاضر بالاسلوب هذا. و لكن حتى في التقاليد الصحفية التونسية عندنا أمثلة مهمة في صحف ساخرة و يمكن نشوفو أمثلة مش على السخرية فقط و لكن زادة السخرية السياسية باستعمال الشعر في الكتاب هذا. لكن هذا ما ينطبقش على الوضع الرديئ إلي تعيشوا الصحافة التونسية الحالية و إلي تعاني من عجز عن الابداع و قدرة هايلة للأسف على إنتاج الرداءة مع وجود بعض الحالات المضيئة.

في سياق "الاستثناء التونسي" الصحفي الراهن في العجز عن الابداع (و بالذات وقتلي يقع استعمال أشكال متاع كتيبة تظهر كاينها متاع إبداع) عندنا نص "القصيدة" هذية إلي يظهرلي المقصود بيها السخرية و الله أعلم


المصدر: صحيفة "كل الناس" 18 ديسمبر 2009

خلينا نقولو من البداية إلي بالنسبة لينا في مدونة "بودورو" ما يهمناش برشة الآراء متاع موضوع "القصيدة" أعلاه اي شخص احمد ابراهيم "الأمين الأول" متاع "حركة التجديد" (الحزب الشيوعي التونسي سابقا) و مرشحها (و بقية "المبادرة" إلي معاه) للانتخابات الرئاسية الأخيرة و ربما نكونوا أصلا مختلفين معاه في عدة أشياء. المهم بالنسبة لينا لهنا هو مدى التزام "القصيدة" هذية بالقواعد المهنية للتعليق السياسي الصحفي

إذا حطينا على جنب الكلام المتعالي متاع أنو ابراهيم جديد على السياسة (وفق أي معايير جديد و الراجل منخرط في العمل السياسي عندو عشرات السنين؟) أكثر حاجة واضحة في "القصيدة" هو التشكيك في النزاهة المالية متاع احمد ابراهيم و المشرفين على الحملة الانتخابية متاع التنظيم السياسي إلي يمثلو. هذاية موضوع حساس و هو بمثابة الاتهام الصريح بجرم "سوء التصرف في أموال عمومية".. لكن المشكل لول حتى حد ما هو مصحح على النص هذا. طبعا إلي يتحمل المسؤولية الأولى في نشر النص/الاتهام هذا هو رئيس تحرير الجريدة (عبد العزيز الجريدي) و في الحالة هذية يلزم السلط الأمنية و القضائية تتدخل و تحقق يا إما في اتجاه احمد ابراهيم أو في اتجاه عبد العزيز الجريدي بتهمة القذف و التشهير.

المعضلة الثانية في النص هذا هو أنو ما يذكرش حتى مصدر (باستثناء اشارات ضبابية لأعضاء في حزب احمد ابراهيم "مناضلي حركة التجديد بصفاقس و نابل و القريب و البعيد" كاينهم هومة مصدر "الكلام" هذا). و لكن "كلام" مبهم من النوع هذا ما يتلائمش مع خطورة الاتهام الوارد فيه. لأنو إذا كان فعلا عندك معطيات عن "سوء تصرف" في أموال الحملة الانتخابية متاع ابراهيم فإنو من المفترض بالنسبة للمعايير الصحفية المتعارف عليها ذكر المصدر بوضوح. و طبعا حسب التقاليد الصحفية العريقة فمة امكانية لحماية المصدر و عدم الكشف عليه لكن يلزم التدقيق حتى في الحالة هذيكة و ذكر جمل من نوع "مصدر لم يرغب في الكشف عن نفسه" أو أوصاف أخرى من نفس القبيل. و يبدو أنو "السخرية" في الحالة هذية (من نوع الحديث الباسل عن "الرجولة" و غيرها) تستهدف التغطية على ضحالة مضمون النص و خاصة انحرافو على القواعد المهنية للعمل الصحفي.

فمة في "النقابة الوطنية للصحفيين" متاع تونس لجنة خاصة اسمها "أخلاقيات المهنة" المشرف عليها سابقا هو "الكاتب العام الجديد" متاع النقابة (مع تحفظنا على الصفات هذية بما أنو فمة عركة حول شرعية المكتب "الجديد" للنقابة): نحبو نعرفو شنوة رايو في مقال "كل الناس" هذاية؟ و ما ظاهرلي كان بش يكون هذا السؤال لخر إلي بش نوجهوه للمعنيين بـ"أخلاق المهنة"... للأسف

مرسلة بواسطةهيئة تحرير بودورو

هناك 12 تعليقًا:

La7mer يقول...

واللّه شي يأسف .. شي يحم القلب
توّا هاذي صحافة بلاد محترمة إسمها تونس ؟ توّا هاذا لسان حال و لوغة شعب محترم إسمو تونسي ؟

والله بعيد عن المواطن لتونسي المجبود في المقال .. والله عيب هكه يوميّا تحل جريدة أي جريدة على الصباح يا ربي لعمال عليك كاينك حليت قمّة تلقاها ملغمة بكلام منتن واتهامات و أعمدة مرسّمة في كل صحيفة للسبان

أنا سميت ها الأعمدة بالتواليت دئما حاضرة في كل بيت علا شأن صاحبه أم وضع

لا ولّي يزيدك غم عالهم إنو ما تلقى و لا شطر كلمة من ها لنوع على أولياء النعمة و آلهة البلاد .. ما تلقى حديث كان على "خونة" و "مهبّلة" في كل مدينة و كل زقاق

طال مرضك يا بلادي .. طال .. و طال بينا داك

Kellerräumung Wien يقول...

مافى متل اللهجة المصرية

Umzugsunternehmen Wien يقول...

جددوا موضوعتكم .. رجاءاً :)

Müllentsorgung يقول...

شكراً لكم ع الموضوعات المتنوعة ... موفقين :)

Umzug in die Schweiz يقول...

موفقين .. وعايزيين نشوف الجديد !؟

Entrümpelung wien يقول...

شكرا لكم ..))

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien

umzug يقول...

مدونة مميزة جدا
umzug
umzug wien
umzug wien

ربح من النت يقول...

شكراّ ع الموضوع :)

umzug يقول...

مشكوووور .. وتسلم ايديك على الموضوع الممتاز
umzug-Transport
Räumung-bookmarks

luxusumzug يقول...

Thanks for the blog
umzug wien
umzug wien
umzug
umzug-umzug
Wohnungsräumung

Umzug يقول...

بسم الله الرحمن الرحيم .. لا اله الا الله
Umzug - Umzug wien