الثلاثاء، مارس 10، 2009 على الساعة 21:32



بعد المعمعة الكبيرة بين سمير الوافي و عدد من مستعملات الفايسبوك , و اللي كنا حكينا عليها في تدوينة سابقة , أدلى سمير الوافي بتصريح لإذاعة الموزاييك و قال فيه اللي فمة شكون انتحل اسمو على الموقع الاجتماعي و استخدموا لغايات دنيئة الغرض منها تشويه سمعتو .
وقتها قلنا اللي التصريح هذاكة ربما كان تحت وطأة (الصدمة) خاصة و ان القضية خذات ابعاد اخرى و تدوالتها عديد الصحف التونسية (ورقية و الكترونية) و قلنا اللي من الطبيعي انو السيّد الوافي ينفي عنو اي علاقة بالموضوع و يحس بالخجل من كشف جوانب الشخصية متاعو و علاقاتو بالجنس الآخر من خلال المراسلات الخاصة على الفايسبوك, و عذرناه لثقافتو الالكترونية المحدودة , على ما يبدو ما كانش يتصوّر انو المراسلات هذيكة و الكلام اللي تقال فيها الكل , ينجّم يخرج للعلن, و انها(الانترنات) , فضاء مقنن كيفها كيف الحياة العامة و اي اعتداء من اي نوع كان يدخل تحت طائلة القانون .

إلا أنو سي سمير فاجأنا بحوارعملو في صحيفة الحدث متاع غدوة -الاربعاء 11 مارس 2009 -( و هذا موضوع آخر , انك في تونس تنجم تقرأ "صحيفة غدوة " اليوم الصباح و انت في بلاصتك رغم ان نظريات النسبية العامة و الخاصة و نظريات ميكانيك الكم تقول عكس ذلك)
قال فيه اللي فمة شكون انتحل صفتو و اللي هذا طبيعي لأنو من (الشخصيات العامة) و بالعكس قالك هو استفاد من الهدرة و ربح برشة اشهار للمنوعة متاعو ...
و على ما يبدو نسى انو مقالتو المعروفة و اللي نشرناها لهنا , اللي يحكي فيها على جرثومة الانترنات , و الميساج اللي بعثو لوحدة من البنيّات يهددها فيه بفضحها على اعمدة الصريح (قبل بنهار من نشر المقالة المذكورة) تأكّد اللي الوحش الآدمي, مروّع الفتيات على موقع الفايسبوك هو بيدو سمير الوافي متاع الصريح و متاع قناة حنبعل .
و هاذي قدامكم فقرة من المقالة اللي نشرها في الصريح يوم 31 جانفي 2009
لقراءة المقالة كاملة : الرابط

مرسلة بواسطةهيئة تحرير بودورو
التسميات:

هناك 11 تعليقًا:

tunisianblogger يقول...

يا والله احوال وبره!! يكذب عيني عينك جهار في النّهار!! مسكينة تونس اللي تعاني في اشباه الصحفيين من امثال هل كتبلازما!!

cactussa يقول...

maritou ken howa yanba7!!isa5ta marzin mleyiktou !!

آدم الصالحي يقول...

ثمة ظاهرة كبيرة منتشرة في تونس او خاصة عند الصحفيين او السياسيين في هالبلاد؛ الكذب متاع البهامة؛ يسخايلوا الناس بهايم؛ بالله كي تكذبوا احترموا ذكاءنا البسيط

Emma Benji يقول...

hé oui
je ne sais pas pq Mosaique n'a pas relevé ca...mais je pense qu'il faut être Samir El ouafi pour relever ce genre de trucs et essayer de tout faire pour nuire a la réputation des autres.

Je pense que la il a eu une bonne leçon... vous devriez lui envoyer le lien de ce blog, khalli on découvre après ce qu'il écrira sur vous
:-))

فــزّاعـــة يقول...

مسكين مافيبالوش اللي فما حاجة اسمها capture d'ecran

معذور p:

غير معرف يقول...

mech menou Kollou elli 3amelou 9dar

غير معرف يقول...

n3ib zamana well 3aybou fina we ma li zamanina 3yboun siwana
chouftou ye ness
hada ech esmou samir sar 9diya watneya??????||||

غير معرف يقول...

ti ezzab fisa3 walitou ta7kiw bel wataneya 3la 7keya tefha kif el sefch SW!!!
5alouna nfarkou yer7am baykom loool

غير معرف يقول...

jme demande pourkoi vs dits tt ce mal apropo de ce jeune homme
é pr celui ki a di ke il ya ce k'on appele'capture de l'écran" je di bien ke petetr il ya vraimen kelkin ki s'é inscri sous l'identité de SamirELWAFI mé puiske nous n'avons okune preuve claire ns devon ns la bouclé parske sa ne fé ke bien nuir à une génération ki tieny bon ses promé é présente une meilleure television
cesson de ta9ti3 w taryich svp

غير معرف يقول...

winkom ya jma3a ye5i mottou el blogsphere magloube w free from 404
c le temps bourjouliya

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien