الأربعاء، أغسطس 27، 2008 على الساعة 23:04





اليوم وأنا نقرا في الأخبار، جلب انتباهي مقال في جريدة الشروق التونسية يحكي على نيّة إسرائيل ضرب إيران إنطلاقاً من جورجيا وكيف أن روسيا فسّدتلها الملعوب الكل بحربها الأخيرة.

المقال موجود هوني وعنوانه رنّان كيف العادة : "من خفايا حرب القوقاز: الجيش الروسي دمّر قواعد إسرائيلية لضرب إيران"

المقال فضلاً على أنه مقصوص وملصق من الموقع هذا دون ذكر المصدر طبعاً فإنو موش هذا الأتعس اليوم. الأتعس هو التقرير المذكور في الخبر: التقرير مأخوذ من موقع "تي بي آر نيوز". الموقع هذا، هو بإعتراف المشرفين عليه، وريث لمجلة "بارنس ريفيو" النيونازية.

قلت بالكشي فما مواقع اخرى تناقلت الخبر هذا. وبعمليات بحث بسيطة على محرك غوغل:

israel attack iran georgia

نلقاوا إلي النتائج الأولى الكل مصدرها الموقع المشبوه هذا. برا يا سيدي نتبعوا السارق حتى لباب الدار، نبحثوا على جميع النتائج التي لا تحتوي على "تي بي آر نيوز":

israel attack iran georgia -tbrnews -tbr

الموقع الوحيد إلي يحكي على الحكاية هذي، هو موقع إيراني والمصدر متاعو هو موقع أمريكي اسمو

American Chronicles

والكاتب متاعو "إيان بروكوال" (على يمين الصفحة هوني) الهواية المفضلة متاعو هي :

UFO reports

يعني الإهتمام بالأخبار حول الأطباق الطائرة.

يعني، في آخر المطاف، جريدة الشروق تقص خبر يحكي على ايران:

1 - من مواقع إيرانية دون ذكرها
2 - المصدران الوحيدان اللذان بدأا نشر الخبر هما موقع نيونازي وكاتب يهتم بالأطباق الطائرة.

أنا عندي سؤال برك للنّابغة إلي طاح بالمقال هذا وقرّر ينشرو في جريدة الشروق : "ياخي مِن قِلّتهم العمَايِل متاع إسرائيل باش تجِيبلنا سيادتك حكاية مقّلعة ومزلّعة كيما هكّا؟"

يظهرلي مسّينا القاع...

مرسلة بواسطةهيئة تحرير بودورو

هناك 8 تعليقات:

ولد بيرسا يقول...

عملو العار و نقبو الطّار....

Tarek طارق يقول...

المهم في هذا الكل هو موضوع الاستبلاه و تسييس الخبر المختصة فيه الشروق... هذاية يتسمى البحث عن الاثارة و العناوين إلي توحي بـ"انتصارات" وهمية... و هذا انعكاس للنغمة متاع "روسيا و الله يعطيها الصحة" السايدة توة في بعض الاوساط... و يولي تخيل روسيا كقطب جديد موازي هدف في حد ذاتو... و انتقاء التقارير و تلصيقها يولي أولوي بمعزل عن مصادرها و مدى مصداقيتها...

موضوع الدعم الاسرائيلي لجورجيا موضوع باين و اعترفت بيه صحف إسرائيلية... موضوع احتمال استعمال جورجيا كقاعدة للهجمات مش هو هدف الوجود الاسرائيلي في جورجيا... لسبب بسيط و هو أنو ما فماش اعتراض أمريكي كيما واضح في برشة تقارير على المرور بالاجواء العراقية...

على كل هاني وليت نكتب في مقال على الموضوع... أية عندي حاجات أهم بش نتلهى بيها...

khayati يقول...

al-Chourouq et al-çarih et d'autres hebdo tunisiens donnent la nette impression qu'ils sont édités en Orient et non au maghreb, spécialement en Tunisie. La direction éditoriale est tellement emberlificotée dans ses prétendus engagements "nationalitaires" qu'elle perd la déonthologie et ce n'est pas nouvau...
Où est le Syndicat des Journalistes, celui des Directeurs de journeaux et le Conseil supérieur de la communication... Il n'y a aucun pilote dans l'Avion... Coupez, collez et décollez à vue de nez...
Ainsi est l'Etat du 4ème pouvoir chez nous.

Tarek طارق يقول...

خميس الخياطي... مانراش شنوة دخل "المشرق" في الموضوع... إنت صحفي و مطلع على تاريخ الصحافة العربية... تعرف إلي فمة تجارب عريقة أكثر منا في العمل الصحفي في "المشرق" يعني من الزوايا المهنية و السياسية... طبعا عندهم البودورو زادة...

يعني "المشرق" ما يعنيش آليا "البودورو" و تسييس الخبر... إنت كنت تراسل في صحيفة "القدس العربي" إلي هي "مشرقية" من حيث رئاسة التحرير و المواضيع و اغلبية الصحفيين و بالطبيعة خطها السياسي قومي كيفما يخفاش عليك... رغم هذاكة معروفة بالمهنية متاعها...

ثانيا، ما نفهمش زادة تساؤلك حول الدور متاع "مجلس الاتصال"... صحيح في دول شمولية مراقبة الخط السياسي لأي جريدة و كذلك أسلوب عملها حاجة عادية... ما تنجمش تمنع البودورو بقرار فوقي... البودورو موجود في أكثر التجارب الصحفية عراقة... نبات طفيلي موجود في كل بلاصة... و بالطبيعة انزهك على أنك تدعو لمراقبة الخط السياسي للجرايد خاصة "المشرقية" (قومية؟)... و إلا وقتها الواحد يفتح الباب على الجميع بما في ذلك الجرايد و الصحفيين إلي عندهم خط سياسي فرنكفولي...

takamaka يقول...

pour contourner l'ATI, surfez en toute liberté : http://dl.free.fr/m1dDoBCuI

غير معرف يقول...

Je ne suis pas ici pour défendre la presse mais pour faire une remarque a propos du dernier point qui selon vous discrédite totalement l'article (qui n'est pas crédible de toute façon).

Savez vous que l'Ufologie existe? C’est la science qui étudie les phénomènes spatiaux non identifié, C’est sa définition à la base. Donc tout Ufologue n’est pas un illuminé des FS ou « Flying Saucers ». C’est un chercheur qui veut trouver une explication rationnelle à une observation donné, c’est ça la science. Donc, si personne n’a une réponse claire sur ce qui s’est passé la nuit du 13 mars 1997 au dessus de la ville de Phoenix en Arizona (USA) toutes les suppositions resteront ouvertes. Et les observations se multiplient avec le temps.

Il ya des scientifiques de renom qui travail sur cette question, tel que Bruce Maccabee, qui est un physicien, un professeur a l’université de Washington, et qui a travailler sur les lasers et les systèmes de défense par missile balistique…

Je voudrais juste vous rappeler que la possibilité d’une vie ailleurs dans l’espace est maintenant confirmée par la NASA, après la découverte d’eau en forme de glace sur le sol martien, et de l’eau liquide sous la surface gelé d’Europa le satellite de Jupiter. L’oxygène existe en abondance dans l’espace sous forme de nuages de gaz.

On ne confirme rien et on renie rien aussi, il faut juste être ouvert d’esprit.

غير معرف يقول...

to7t 3ala site fih tous les sada el ma7akem possibles et imaginables

indispensable pour ceux qui veulent savoir ce qui se passe au pays comme viol,meurtre , brakage....

http://www.sada-el-ma7akem.com

Unknown يقول...

لم أر في حياتي وقاحة ورقعة صحيحة كالتي يتميز بها هؤلاء الصحفيين في بلادنا ..يتعاملون مع الناس وكاننا في الخمسينات من القرن الماضي