الخميس، يوليو 31، 2008 على الساعة 09:34


المرة هذية "البودورو" مش مقال و إلا برنامج تلفزي و لكن موقع إلكتروني.... جريدة البيان متاع السجع و تدوير اللسان هي جريدة من المفروض تتبع "الاعراف" متاع تونس و ما أدراك.. "إتحاد الصناعة و التجارة".... بالعربي وين فمة (مبدئيا) كمشة فلوس (لا حسد)... لكن كي تجي تطل على الموقع الالكتروني متاعها تلقاه... آه لا... ما تلقاهش... يعني عنوان الموقع موجود لكن في "دومان" إلي ماعادش مستعمل... في العادة تخرج التصويرة هذية كيف واحد ما يخلصش حق الاقامة في "الدومان".... آخي فلسو جماعة الفلوس؟

بالله مادامني جبدت على موضوع المواقع الالكترونية متاع صحفنا الورقية خلي نشوفو فرد مرة نماذج على الابداع الالكتروني

موقع جريدة الإعلان ذات الاشعاع العالمي

موقع مجلة الملاحظ... بالله لاحظ التنسيق و الجمالية
آه إي حقة و الموقع الالكتروني متاع جريدة الشروق... إلي ما يتحل كان بالريق الناشف بعد ما يقولي شكرا على صبركم... و "تم تحميل البيانات بنجاح" كاينو إقلاع صاروخ لكوكب المريخ

و إلي في أغلب الحالات إلي ننزل فيها على "تفاصيل" بش نقرى الخبر يعطيني صفحة كاملة متاع نقاط استفهام (هذية حاجة ما تحصلي كان مع موقع الشروق)... على خاطر ناقص أنا نقاط إستفهام كيف نقرى جريدة تونسية...

مرسلة بواسطةهيئة تحرير بودورو
التسميات:

هناك 3 تعليقات:

غير معرف يقول...

Salem
moi aussi je souffre qd je viste un lien de ces journaux. Mais Allah ghaleb el estehtar bel 3béd w 3a9liyét 3andekchi 3andi..... le pire c'est que fi beli elli fi tounes il ya pas mal ds ingénieurs en informatique elli le fait bech yal9aw wa9t w chkoun yasahhlelhom ethniya ya3mlou barcha 7ajét béhin. Domage w barra

غير معرف يقول...

bourjoulia netbara3 bech ne5dem site web lel chourou9
malla 7alla bconnexion 20 mega we chay

غير معرف يقول...

Salut les amis, pour avoir les dernières news du pays, inutile de parcourir les sites un par un et surtout avec le site d'al chourouk qui marche une fois sur deux.
Il suffit de consulter le site
http://www.sada-el-ma7akem.com