الاثنين، يونيو 02، 2008 على الساعة 16:14


أضغط على الصورة ... باش تقرى هالكارثة


أعـلـن فخامة الزعـيم "محمد كرومة" في رسالة عاجلة على جـريدة "الضريـح" , في عددها 2228 بتاريخ 29 ماي 2008, عن قلقه و رغبته في إيجاد حل جدري (نؤكد على كلمة جدري مش جذري) " للنازحين" لجمهورية الكرم ... هذا وقد أعرب في رسالته المقتضبة عن تذمره من هؤلاء النازحين وطالب بشدّهم إلى أرضهم في جمهورية تونس... و من جهة أخرى فقد أكّــد سيادته على أنه " اليوم لم يبقى في الكرم شبر واحد لإقامة مشروع سكني" و أنّ حتى أعـيان "الجمهورية الكرمّية" قد هجروها ... إلخ ...إلخ ... إلخ ...

هيّا يزينا من هاللوغة الخشبية ... و خلي نفهمو سي محمد كرومة ( الي نتصورو كتب هالقذارة عن حسن نية ) شنوة يتفهم من وراء مقال كيفما هذا:

- " اليوم لم يبقى في الكرم شبر واحد لإقامة مشروع سكني " : نعلمك يا سي محمد قبل كل شيء كانك نسيت (وإلا بالعاني طفيت الضو لبعض الأسباب هاو باش نفسرها) إلّي الكرم ما توفاش في حدود غابة الكرم الغربي كيما إنتي قلت و إنما توصل حتى للبحر وتحدها جنوبا خير الدين و شمالا صلامبو ... قلت نسيت و إلا طفيت الضو على خاطر كيف تقلي أنتي ماعادش فيها حتى شبر يتبنى, نسألك كانك عملت طلة على شواطئ الكرم وين فما "قلعة" قاعدة تتبنا (في بلاصة " نزل الشاطئ " سابقا ) متكونة من 8 طوابق و ما تبعدش أكثر من 4 ميترو على حافة البحر و مستغلة 100% من الأرض في حين أنو القانون ما يسمحش بأكثر من 3 طوابق فالمنطقة هذيكة و يجبرك باش تبعد على الأقل 25 ميترو على حافة البحر ( DPM ) و ما تستغلش أكثر من 40% من مساحة الأرض الجملية ( COS ) و نجنبك العديد و العديد من التجاوزات القانونية في هالبنية هذي ... و هنا نفهمك علاش نسيت ولا تناسيت ولا تفاديت باش تحكي على "المشروع السكني" هذاكا... أما عالأقل ما تقولش معاش فما حتى شبر يتبنا تقولش عليك تحكي على طوكيو و إلاّ هي القاهرة

- " فمن أين جاء كلّ هؤلاء ؟ ولماذا إنتظروا كل هذا الوقت للمطالبة بمسكن و قبر للحياة ؟" : أولاّ يا سي محمد كرومة, الكرم راهي ماهيش رزق السيد الوالد باش تستغرب كيفاه يجيوها عباد توانسة كيفك كيفهم ... حسب ما نتذكر فإنو التونسي يتمتع قانونيا بحق التنقل داخل الوطن, و كلمة "فمن أين جاء كلّ هؤلاء" ما تليقش فالحالة هذي ... أما بالنسنة لسؤالك الثاني فإنو الحق متاع ربي ما فهمتوش !!!! ( و كان فمة واحد بربي واحد فهمو يفهمني يمكن أنا فهمي ثقيل !!!! )

- " فيهم من عاد إلى موطنه و مسقط رأسه نهائيا و أراح و إستراح ... أما كل هؤلاء الوافدين اليوم فقد جاؤوا من داخل ولايات الجمهورية ... منذ عام أو عامين أو على الأقصى خمس سنوات وراحوا يطالبون بحق السكن " : جملة أقل ما يقال عنها "عنصورية" من نوع الي يخرجهم "جون ماري لوبان" (هههههههههههههه جات حلوة بالعربي هذي جون ماري " لوبان" ) متاع "الفرون ناسيونال" الفرنسي كي يبدا يحكي على المهاجرين.

- " جواب المسؤولين : لا اليوم ولا غدا سنوفر المساكن, كل يد خذات أختها, و حصّل ما في الكرم, اللي فيها يكفيها " : ما نتصورش حدّ مالـ "مسهولين" يقول كلام كيما هكة, مش على تربيتو و حسن أخلاقو, أما خوفا على بلاصتو ... و لكن هذا كلامك أنتي يعبّر عن حقد للعباد الي جاو "يزاحمو فيك" وفكولك شوية من أرض السيد الوالد.

- " فلماذا لا يقع إحصاء كل هؤلاء النازحين والتدخل لفائدتهم لدى جهاتهم لشدهم إلى أرضهم " : كمّل قول "نزوح" من ورى البلايك مش خير !!!؟؟؟ باقي عبارات معبية بالتهكم والحقد و العنصرية ... وربي تقولش عليك تحكي على دولة متقدمة هاجمين عليها "الحرّاقة المتخلفين" باش يغرقوها.

- " في الكرم وحدها أكثر من خمسين مقهى ويا ليتها كانت كلها معامل و مصانع وورشات تصنع لنا الرجال " : عيب عليك والله عيب, آشنوا معناها كل رواد المقاهي مهمش رجال وإلاّ الكرم ما فيهاش رجال ولاّ ما فهمتكش آش تقصد !!!؟؟ ...

أخيرا, و الله ما نلومش عليك أنتي يا سي محمد كرومة تنجم تكون تابع لحزب "اليمين المتطرّف الكرمّي" ( الكرم N.F ) مقلقينك ياسر العباد الي جاين يمارسو في حقّــهم بحثا عن لقمة العيش (والله لا فهمت كيفاه في الضر وف الراهنة توا متاع الانقسامات الجهوية في الكورة وغيرها و في الضر وف متاع مشكلة قفصة تقوم تكتب مقالة "عنصرية" بالشكل هذا ... و الله شيء يبهت !!!!!!! ) ... أمّا نلوم على رئيس تحريرك الي " قرا " و سمح بنشر حاجة كيما هكة في جريدة (بالرغم الي "الضريح" ما تنجمش ترتقي لمستوى واحد يقول عليها جريدة)

مرسلة بواسطةهيئة تحرير بودورو
التسميات:

هناك 18 تعليقًا:

ولد 5 شنيدر يقول...

@ شكرا يا بلملوان على هذا النص
1 اظن ان هذا الكركوز هو مدير دار الثقافة بحي 5 ديسمبر.لانه يحمل نفس الأسم و يتحدث نفس اللغة. و هو عضو بارز منذ اكثر من 25 سنة في "جامعة اللغة الخشبية"
بالمنطقة.
2 انت محق عندما ذكرته باننا كلنا ابناء هذا الوطن لكنني اريد ان يقول لنا هذا الرهط من اين قدم قبل ان يحط به الرحال في 5 شنيدر؟

Hamadi يقول...

Entre la question et les solutions proposées il y a une difference notable.

C'est ridicule cet écrit. Est-ce que ce probléme ne concerne que le Kram? Est-ce que à ce point dérangeant au Kram plus que des zones comme ettadhamen Sidi Hessin et autres..

Ce monsieur habite le Kram? ou l'un des Ex-Dirigeant de EOGK l'a inspiré?

A une certain époque (et je pense que jusqu'à maintenant) des journalistes ne parlaient que des problémes et des dangers dans la cité des journalistes à EL gazella comme si toutes les zones de la tunisie ne mérite pas d'attention. Vraiement dommage.

ramzi يقول...

malla karakouz , we malla ras bla mokh , hasseb rouhou ayech en suisse , et le kram aurait été envahit par des immigrés .

hasilou malla zokra hoouwa we zid min elfouk arfou elli khallah yekteb zouz kilo blada we rekeka

we kima eykoulou innas lekbar rahou ejahel msiba


ramzi

mimekaf يقول...

والله انا نسكن الكرم وإللي يحكي علية ها الصطك موش موجود.. الكرم فيها مشاكل كيما في أحياء العاصمة بل أقل بكثير...وفيها ناس باهين وفيها ناس مرضى كيما ها الخشبة هذا..الفرق الوحيد اللي جلب انتباهي هو الأسعــــارررررر المشطة سواء في فصل الصيف أو الشتاء...

Zied يقول...

Ana je dis qu'il faut poursuivre le journal et l'auteur pour trouble a l'ordre public et incitation a la haine...

zarathoustra يقول...

Est-ce que vous lisez encore la presse tunisienne ? Oh, That's bad !

gabsi يقول...

سي محمد كرومة هذا عامل بالمثل الي يقول:دخلني نخرجك

غير معرف يقول...
أزال أحد مشرفي المدونة هذا التعليق.
Bel Malwene يقول...

@قاسم
يا قاسم يهديك شنوة هذا !!!!!! ماهو قلنا من غير ذكر أسماء تنجم تعود بالضرر على المدونة ... ترصي يزورنا عمك ال 404 ... بالله يعيش خويا ما تلزناش باش نصنصرو التعليق يعيش خويا ... و مذا بينا تعليقك يكون عالتدوينة ... مش سيناريو متاع ما نعرش شنوة ... المرة هذي هاو باش انحي من تعليقك الكلمات المشبوهة و نعاود ننشرو ... أما بربي المرة الجايا ماعاش اتعبنا ... كان عندك موقف شخصي من شخص ما أعمل مدونة و أحكي عليه كيما تحب ... راهي بودورو ما عندها حتى دخل بش تضرها بأراءك السياسية ... بودورو راهي محايدة

غير معرف يقول...

بودورو راهي محايدة

محيادة و نص ! أه علاش لا ؟ أحنا ما قلنا شيئ ! حايدو على أرواحكم ! و أحنا علاش معجولين ؟ حتى تحرق البلاد الكــــل ! وما يبقى حد ! تعرفو كيفاش يا جماعة ! أحسن إنكم إتشدو الخط الصّحيح ...الطريق المستقيم ! و تبدو تبحثو على الحقيقة ! راهي إتقول يا أمي و يا بابا...إيجاو من هوني : الدّجاج بدى إزوك و قريب باش يعلن دولة ! و إنتم ما إطول حبالكم !!!! و ما أوسع بالكم !!! !!! و مازلتو حاسبيلو حساب شوفير ال 404 ! خليه إقص ! حلّوه إصنصر ..حلو وحدة جديدة... مدونة جديدة و كل يوم من جديد ! الصراع راهو صراع مــــــــورال و على أمد طويل ...ماهيش حكاية عزوة و إلا زوز ...الدّوام ينقب الرّخام !!!! لا يوجد سلطان إلا في خيالكم . ... هذا أمر ظروري باش بودورو إتولي فيها الدّويخة ...
قاسم

Rym يقول...

ya wallah 7ala!!! bellehi comment des specimens pareils peuvent exister et sévir en toute impunité! j'appelle à la guillotine! la solution radicale pour ce con et ses semblables! essarih est une insulte au journalisme. je veux juste citer cette magnifique phrase d'un journaliste tunisien expatriéauquel on a envoyé le premier numéro de ce torchon: "Lassta sali7an li hedhihi el 7aja adhef no9tatan le sari7ika likay tossbièa dhari7"!!!! yar7am fommou

Imed يقول...

younsar dinek ya boudourou

khayati يقول...

C'est la honte...
Où est le Conseil Supérieur de la Communication?
Où est le Ministère des machins et de la communication?
Il n'y a pas de pilote dans l'avion et chacun pilote comme il veut et qd il veut...
C'est Une république bananière...
khémais khayati

غير معرف يقول...

Le probleme ce n'est pas ce que ce ... a écrit , le vrai probleme c'est que c'est que a part si Mohamed krouma , plus que 95 % des habitants du kram EST pensent de la meme facon déja quand il parlent des habitans du Kram Ouest !
Alors, il est temps déja de règler le conflit de kram EST_OUEST avant d'ouvrir d'autres débats !

sami يقول...

يعطيك الصحة يا مروان والله هاك البقعة ولات حالة من بعد العز

غير معرف يقول...

merci 3al article
amma 5ouya 7atta heyya jarida ou howa sa7afi ye5dem fiha tbarkallah

thaharli elma9al ejjey bech ye9tara7 3lina nebniw sour kbir bech ma3adech yjiw el nouzou7 y9all9ouh

ouallahi mekenech fi beli elli si ras ell7am 7atta raciste mejech hetha
mé jé chey

après tt chneya lekram ? يقول...

meskin.. o9sem belleh meskin.. lougha maya7kiwech beha les "bourgeois" fi franca (elli 5al9ou el regionalisme)..
w c vrai, nloum 3al dhari7 akther mennou howa

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien