الاثنين، أبريل 07، 2008 على الساعة 22:23


شهدت الفترة الأخيرة انطلاق موسم الاستشارات الشبابية و الحوارات القاعدية و الندوات و الدورات التكوينية و غيرها من المسرحيات و مسلسلات السيتكوم الدرامية... وهي سنّة حميدة دأبت عليها بلادنا قبل بداية فصل الترشحات و الانتخابات الرئاسية و التشريعية و صابة النتائج القياسية و المشاركة المائوية و نسب التصويت التسعينية.

و قد كان للحملة الأخيرة الأثر الطيّب في نفوس الشباب من كل الفئات حيث سُجّلت معدلات اقبال قياسية على منابر الحوار و لجان حرّية التعبير (المفتوحة 24/24) و الموضوعة على ذمّة الراغبين في إيصال اصواتهم و (تسريح قراجمهم) الى الجهات المعنية, كما لاحظنا طوابير ضخمة من شباب (دون الثلاثين عاما) أمام محلات البيبلينات ينتظرون دورهم للولوج الى الشبكة العنكبوتية و زيارة موقع (الفوروم) الخاصّ بهذه الاستشارة.... وهو ما يؤكّد منزلة بلادنا و المستوى اللذي بلغته في كل المجالات و على جميع الأصعدة و السمعة التي تتمتع بها في المحافل الدولية وهو ما أشاد به كل من زار بلادنا و نوّه به عديد الشخصيات العالمية التي اثنت على هاته المبادرة و ثمّنت المعاني النبيلة – معاني الحوار و التضامن و التآخي بين أفراد الشعب الواحد- التي تحملها .

و كي العادة السيّد بن نصيب (شُهر سيّد فقمة) لازم يسجّل حضورو و يدلي بدلوو و يُعبر مش بالطلعة البهيّة فقط لكن بالأفكار و النظريات السابقة لعصرها. فالسيد بن نصيب – حسب وجهة نظره "لعن الله آفة البطالة " – قالّك يلزم نسلّطو الضوء على" شباب المقاهي" , الشباب البطّال , و المصاب بـ "العطالة الفكرية و الوجدانية" و نعطيوه فرصة للتعبير و نسمعوه رغم أنّ "التواصل مع هذه النوعية من الشباب مشكلة عالمية كبرى" و الحل حسب رأيو يبدأ من " العقلنة و التشخيص الدقيق و بلورة الحلول الواقعية الناجعة" لنتمكّن من "رعاية العاطلين و اشعارهم بأنهم .....جزء من هذا المجتمع" .

لحدّ الآن كلام منطقي و كلام معقول و لو أنو فيه برشة لوح و واضح اللي هو كلام من نوع في النافخات زمرا اي انو صالح لكل زمان و مكان و كيف تثبّت في الآخر ما تخرج بشي , لكن الجاي أغرب.. ايا شدو ارواحكم...

قالك يا سيدي يلزم نشّطو القهاوي و ندرجوها في" مسالك التنشيط البيداغوجي" ( بالمناسبة احنا نعرفو مسالك التجارة الموازية و مسالك الهجرة الغير شرعية و مسالك القفّة و الجعالة و المسالك الملتوية متاع باعة الخمر خلسة و المسالك الفلاحية , اما الللي قال عليها سي بن نصيب ما نعرفوهاش لذلك نتمناو حدّ من الأخيّان يفسّرهالنا ) و نوفرو لروادها "الغذاء الثقافي و الروحي" (كاينّو الرامي و البولوط و الشيشة و التاي الاخضر موش غذاء فكري و روحي) و يلزم نعملو لمتساكني المقاهي" رحلات مجانية و مصائف و نوادي تكوينية" يفتّقو فيها مواهبهم المكبوتة و ذلك بمراجعة دور المقاهي و "موقعها في المجتمع" اللي حسب رأيو تتمتع –و الحمد لله- بـ"التغطية الامنية" و لكنها "تفتقر الى تدخلات من نوع آخر..."

فنجمو نقولو انو الهدف اللي باش توصللو "نظرية المقاهي" هو انو في الاخر , الناس اللي يقعدو توة في القهوة يسكنو لغادي و ماعادش يخرجهم مناه كان منكر و نكير... باش تولّي القهوة مكسب و انجاز نفتخرو بيه... و اللي يفد و الا يحب يقطع رقبتو و يهجّ مالبلاد يقولولو "شبيك يا ولدي ..هاو عندك القهوة..." ... و اللي ما يلقاش خدمة يمشي في رحلة ترفيهية و اللي ما نجمش يعرّس و يبدأ حياتو يشد يدّو بنادي تنشيط بيداغوجي, و اللي ماعندوش حق السيقارو يمشي في مصيف كشفي متاع قهوة الحومة .

السيّد مافيبالوش اللي العباد الساكنة في القهوة من الصباح لليل ما لقاتش البديل, ما لقاتش خيارات ما خير...عباد تموت كل يوم 10 مرّات (في الكارطة) عباد تموت عرق بعرق...ناس كرهت القهوة و الكبوسان و دخان الكريستال لكنها ماتنجمّش تبطل , ناس تكره القهوة لكنّها تمشي للقهوة , عباد كرهت وجوه بعضها , كرهو السرقارات و كرهوهم , كرّهو والديهم و كرهتهم عايلاتهم و فدت من خلقهم, كرّهو فيهم الناس بالـ" ترا دينار" و الـ" تره سيقارو"...

ينجّم لهنا يطلعلنا واحد بو زوز ماستارات يخدم في الخارج كيما هاك المعلق الأنونيم متاع المرة لخرى و يقلك يستاهلو ما خدموش على رواحهم... لكن وينهي الخدمة؟؟ وين تشوفو فيها الخدم؟؟؟

يا سي بن نصيب اخي شنوة الفرق بين قهوة زبراطة مسّخة و مقهى ثقافي؟؟؟

, اش يعمل بيه المصيف طالما حياتو واقفة , و الامبوبة الحمراء متاع الـstand-by تشعل..؟

لوقتاش تحبو ساكن القهوة و عايش مع تأجيل التنفيذ ؟؟ المشكل يا سي الفقمة موش في نوعية الخدمات متاع القهاوي , المشكل موش في دور القهاوي, المشكلة في الكبت و الاقصاء و القمع و فقدان الثقة في النفس و غياب الثوابت متاع الشخصية و الشعور بالذل و احتقار الذات و النقمة على المجتمع و البلاد...

هاذي هي المشكلة اللي لا يحلّها لا غذاء الروح لا الرحلات المجانية ...هاذية مشاكل نتجاوزوها بالخدمة , بالـ "العمل", بالفلوس بحرية التعبير و بالاحترام احترام حقوق الانسان و كرامتو و قدراتو الفكرية و العقلية ( باش ماعادش مقالات كيما متاعك تتنشر في الصحف و باش ما تقولش انك تعدي فيها عليهم)... على خاطر كل واحد من "شباب المقاهي" عندو قدراتو و مواهبو و طاقاتو اللي كانت البلاد تستفاد منها و ربما كان ينجم يساهم في تغيير تاريخ البلاد.

اللي يحب يطلّع على التحفة الفنية كاملة.(الصريح - 03/04/2008)


.

مرسلة بواسطةهيئة تحرير بودورو
التسميات:

هناك 16 تعليقًا:

Bechir يقول...

قال له تعرفشي العلم... قال له نزيد فيه.

تي هاي نظرية متكاملة، يعلمك حتى كيفاش تخلي العباد يسرقوك و تخرج منها بأخف الضررين.

هذا كيف إلي سقف دارو يقطر كيف المطر يصب، يخي عمل إنستالاسيون كاملة متاع جعب باش يخرج ماء المطر البرا.

Der Kameltreiber, Ladeeni ولد الصحرا يقول...

يعطيك و الله يعطيك

كنت ماش بش نرقد رصتلي نموت بالضحك و في نهاية التدوينة نصاب بالهم بسب أوضاع البلاد و شباب البلاد المسكين المظلوم من كل الناس

كان الله في عونكم يا شباب تونس, وضع يجيب الغم

و يعطيك الصحة يا كلندو على هالقفشة

Hamadi يقول...

Le monsieur veut encadrer les gens dans les cafés pour les faire fuire des cafés :P.

Commençant par les encadrés là ou il le faut et là où ils ont besoin : école, lycée, association. Une fois il est à l'age de café ca y'est c'est trop tard il est responsable et il assume ses choix.

Vouloir être tuteur sur quelqu'un de majeur est une maladie et une obsession qui cause pleins de conflits.

La proposition venant du Monsieur est une autre preuve sur la profondeur de son analyse.

Fenridal يقول...

See Please Here

mandela يقول...

Canal du Dialogue Tunisien: Média d'expression de l'opposition démocratique et progressiste tunisienne. Informations, dossiers et débats sur les luttes politiques, sociales et culturelles en Tunisie.

Canal du Dialogue est animé par un groupe de militants issus de différentes tendances de l'opposition démocratique et progressiste tunisienne. Le groupe est réuni autour des objectifs de démocratie politique, de progrès social et de lutte contre toutes les formes de fanatisme et d'intégrisme religieux. Les activités de Canal du Dialogue sont entièrement financées par ses animateurs
http://www.arcoiris.tv/modules.php?op=modload&name=Downloads&d_op=viewdownload&cid=1045

Fenridal يقول...

See Please Here

Fenrisar يقول...

See Please Here

غير معرف يقول...

désolé de vs dire qu'ali ben nsibb a réalisé son reve...il a été l'invité d'aljazeera et s'est permis de repeter ses conneries sur des millions de télespectateurs

Hayy يقول...

Un extrait du mitha9 el modawana:
هيئة تحرير بودورو تنشر المقالات الرديئة للقراء بهدف انتخاب أسوئها آخر كل شهر...
Il n y a pas assez de substance pour le mois d'avril mes amis, et pourtant, ce n'est pas la connerie qui manque..

tikaaa يقول...

wallahi je trouve elli el 7akem (en general) essaye de trouver des solutions... c'est pas facile, la crise est mondiale, l'argent y a pas beaucoup.... ne croyais pas que je suis un ta7ane du 7akam ... (ena nbakhkher b'ri7et waldih, mais pour d'autres raisons)
c'est vrai que des discours a la con, des fois sont tres enervants, mais comme on dit dit si bien chez nous ... "ALLAH GHALEB"

Hal يقول...

les jeunes ou moins jeunes chômeurs qui ont choisi de se réfugier dans les cafés cherchent à éviter de rester avec leur famille ou avec les personnes qui leur répètent sans cesse que ça va venir (el5edma), et c'est sûrement pas avec des responsables politiques ou leurs représentants qui essayent de les divertir qu'ils vont vouloir passer leurs journées
plutôt que de penser à des conneries pareilles pour améliorer la situation des jeunes tunisiens, occupez-vous de leur créer des emplois ou au moins de leur faciliter (sans descrimination) la création de PME
YALLAH, ibtassem innaha tounes

Emma Benji يقول...

Amannn
Vous etes serieux?
1. Vous pensez serieusement que les bloggueurs vont etre endoctrinés?
2. Vous pensez reellement que kamcha bloggueurs, qui ne peuvent pas tout ecrire, vont changer le monde... et participer a la suprméatie des Etats Unis?
3. Je vous conseille vivement de fermer de suite les blogs, facebook, ... Bref tout ce que nous ont apporté les Etats Unis... ou bien abstenez vous de faire des commentaires ridicules
4. A mon avis, les bloggueurs invités ne sont pas en train de demander la charité et ils doivent quand meme etre d'un certain niveau intellectuel
5. je ne me rappelle pas avoir lu des blogs pro Bush ou meme sa politique...

6. Brabbi... vous etes serieux?

Emma Benji يقول...

oups, je me suis trompée de texte en laissant mon commentaire

غير معرف يقول...

هي الفكرة في عمومها ما فيها باس كان نزيدوا نبحثوا فيها وندرسوا كيفية تطبيقها على أرض الواقع
إذا الدولة ما قدرتش بش تدبلهم خدم ما يقعدوش ويربعوا يديهم و يستناو الموت لازم الحل و مادام فما ربي لازم فما حل

غير معرف يقول...

ena elli ma fhemtouch 3lech el chebeb el battal 3andou l7a9 !! s7i7 ma fammech 5dem ema 3lech? mehou 5ater jedd waldihom kif a7na na9raw fel lycéé houma lbarra w yetmanykou 3lina !! mehom elli sallkouha menhom w 5dhew el bac wallew mechinn jeyyiin lel fac kif el hweyech w ma ye5dmouch f dar 9all chnawa transport yta33eb !! za3ma fibelhom koll chay yji l'idihom !! sem7ouni, ena etudiant w n9oul elli el battala maitrisard ou non le meritent ce chomage.

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien