|
الثلاثاء، أغسطس 28، 2007 على الساعة 14:00
|
|
الصريح 24 اوت 2007. السيّد بن نصيب قلم معروف بتوجهاته الوطنية و غيرته على الوطن و مناعته من الاعداء و المتربّصين و المناوئين و المرتزقة و الماجورين الذين باعوا انفسهم و ضمائرهم الميتة اصلا و التي تفوح منها رائحة الخيانة.
هذا قطر من فيض المفردات الخاصة بالسيد علي بن نصيب , و اللي ما يفوّتش حتى فرصة لمهاجمة الاعداء و النيل منهم. في مقالة الجمعة الفارطة قدم السيد بن نصيب درس في الوطنية و الـباتريوتيسم من خلال تحليله لقضية عبدة الشيطان اللي حسب رايو ولات سلاح في يد المناوئين اللي بالمناسبة نسألوه وينهم خلي نمشيو نحاربوهم و نرتاحو منهم باش يرتحنا هو من لغتو الخشبية. بالحبر القاني بطاقة قارة بقلم السيد رضا الملّولي اللي بالمناسبة طلع متخرّج هو و علي بن نصيب من نفس المدرسة وهي مدرسة محاربة الاعداء و الخونة و المناوئين...المجهولين و اللي حسب راينا تدخل في باب محاربة طواحين الريح و البحث عن الغول و العنقاء ... و قد قامت هيأة بودورو بعمليات بحث مضن و مكلف عن اعداء الجمهورية و لما لا القضاء عليهم , و توصّلت في نهاية الامر الى الخلاصة التالية: الاعداء و المناوئون يعيشون اساسا في رؤوس و مخيلات الصحفيين بودورو و بالتالي ما نجمو نقضو عليهم الا بالقضاء على الفكر "التاعب" و العقليات "المتوسّطة" (على حد قول زميلنا طارق الكحلاوي).  الحقائق (النسخة العربية ) الاسبوع الاول لشهر أوت. للاستمتاع بقراءة المقالات الدوروية الرجاء الضغط على الصورة و ما تنساوش التصويت في اعلى الصفحة |
|
مرسلة بواسطةهيئة تحرير بودورو
|
عدد التعليقات:10
|
|
الاثنين، أغسطس 27، 2007 على الساعة 09:54
|
|
الصريح السبت 25اوت 2007" >. الصريح الاحد 26 اوت 2007" السيّد رئيس تحرير "الصريح" اصيب بعدوى المقالات المتسلسلة من تلميذو وليد الزراع , و ركز في البطاقة اليومية متاعو على عزوف الشعب عن قراءة الصحف و "الاكتفاء بالجلوس في المقاهي و الثرثرة الفارغة " و يتساءل علاش المواطن يحرم في روحو من متعة قراءة الصحف التونسية و من الكنوز الاخبارية و المعرفية اللي تحتويها. وعلى كل حال الموضوع حكا عليه الاخ بيق تراب بالتفصيل و و صّل الميساج كما يجب و وجّه للسيد صالح الحاجة توصيات باش هامة تصلحلو مستقبلا في حياتو العملية و مهنتو الصحفية و حتى حياتو الخاصة. ختاما هيأة بودورو تقول للسيّد رئيس التحرير انها الخمسمائة اللي تصرف فيها الريداكسيون و المتعاونين معاها على شراء صحيفتو الهزيلة داخلة في باب المصاريف و الخسائر المتنوعة و موش محبة و رغبة في "الرحيق الصحفي" متاعها و لوكان موش الواجب و الضمير المهني فمن شبه المستحيل انو نهدرو عليها اموال المدونة. |
|
مرسلة بواسطةهيئة تحرير بودورو
|
عدد التعليقات:1
التسميات:
الصريح
|
|
السبت، أغسطس 25، 2007 على الساعة 14:40
|
|
عادة ما ننساو إلي مقدمي و منشطي البرامج التلفزية بأنواعها هوما في النهاية صحفيين بالمعني المبدئي و التقني للكلمة. ينطبق هذا حتى على المنشطات إلي يجيبوهم في الأساس على خاطرهم يتزعبنو. حبيت نلفت الانتباه إذا لموضوع الصحفيين التلفزيين خاصة إلي في موقع بودورو تعودنا لأسباب عملية بحتة (عرض المواد) أننا نتحدثو كان على الصحافة المكتوبة... و خاصة بعدما أتيحتلي الفرصة أني نطلع بشكل مكثف على برامج تونس 7 و حنبعل و قناة 21 الفضائية في المدة لخرة وقتلي جيت لتونس و إلي أكدتلي للأسف الفكرة القديمة إل نشأت بيها على التلفزة متاعنا.... في الحقيقة ماعنديش مثال واحد و إلا محدد بش نحكي عليه لكن فما خصائص عامة تعكس ثقافة صحفية معينة منتشرة و قديمة بين الصحفيين التلفزيين التوانسة تمثل ما يمكن تسميتو بـ"المدرسة التونسية في الصحافة التلفزية بودورو".... و يلزمني نأكد إلي الخصائص إلي بش نتحدث عليها ماعندهاش علاقة بالإمكانات المادية و إنما بالإمكانات الذهنية.... أول الخصائص هذية هي اللغة الخشبية و التصنع و انعدام العفوية بما في ذلك في الحالات إلي يتم فيه ادعاء العفوية.... فما برشة ثقل و عدم قدرة على الارتجال هذاية ينطبق على البرامج المسجلة المحضرة و المباشرة المحضرة زادة و بالطبيعة البرنامج إلي يتصدر جميع البرامج في الخاصية هذية هو بالطبيعة النشرة الإخبارية.... ثاني الخصائص متاع المدرسة هذية هي الضمار الماصت و إلا بمعنى آخر العجز على الضمار... و هذية حاجة تحير بالحق لأنو التوانسة ضامرين في العادة و لو أنو يلزم ديما شوية كلام زايد في ضمارنا و هذية مشكلة بالطبيعة... أما يظهرلي يقعد الضمار متاع الصحفيين متاعنا أمصت مستوى ينجم يتوجد على مستوى الضمار الواقعي... كاينهم جايين من بلاد أخرى.... الخاصية الثالثة تتعلق بالجانب الاستيتيقي يعني الشكل إلي يظهرو بيه و إلي يظهرلي فيه برشة تقوعير و قلة ذوق و هذاية ربما يعكس توجه أصيل عنا في تونس لكن يظهرلي إلي دور التلفزة و هي الواجهة الصحفية الأكثر إعتمادا على الصورة هو بالتحديد الرقي بالجانب هذاية و تقديم نماذج تجذب عينين الناس.... و المشكل إلي التقوعير في اللبسة و الماكياج و تسريحة الشعر تتعقد أكثر و قتلي تتضافلها مشاكل أخرى خاصة بأصوات الصحفيين هذوما و زيد خاصة بالشكل العام كيف الديكور متاع البرامج متاعنا إلي تجيب السخط بصراحة.... الخاصية الرابعة هي التقليد الباهت لبرامج أخرى خاصة برامج معروفة في قنوات فضائية عربية أخرى.... و التقليد أنواع فما التقليد الناجح و فما التقليد الفاشل و النوع إلي عنا في تونس هو الفاشل لأنو إلي يعملو فيه هوما بالأساس يقلدو لأنو ينقصهم الابتكار و استانسو على التصنع و اللغة الخشبية... و هذاية يرجعنا للخاصية الاولى... أخيرا الخاصية الخامسة هي المستوى المتدني للغاية على مستوى الثقافة العامة و خاصة في الجانب الثقافي الفني بالنسبة للصحفيين المتخصصين في الميدان هذاية و الجانب السياسي بالنسبة للصحفيين المعنيين بالقلم هذاية.... و هذية في الحقيقة حاجة تحير خاصة كي نشوفو إلي عنا صحفيين لاباس بيهم في الميادين هذية محترفين في الخارج في قنوات فضائية معروفة الكلام هذا الكل يعني بالأساس إلي الصحافة التلفزية في أزمة مش على خاطر عنا أزمة دايمة في علاقة بالصحفيين متاعنا و لكن فما مشكل في علاقة بالرؤية الإعلامية... و الانتقاء متاع الصحفيين المتوسطين يتم على أساس رؤية متوسطة و العكس بالعكس
|
|
مرسلة بواسطةهيئة تحرير بودورو
|
عدد التعليقات:4
|
|
الأربعاء، أغسطس 15، 2007 على الساعة 12:52
|
|
الصريح الاحد 12 اوت 2007 موضوع الهجرة موضوع كبير ياسر و متشعب و لكنو في نفس الوقت قريب من المواطن البسيط اللي من تجربتو الخاصة او تجارب المحيطين بيه من اقارب و جيران تنجّم تكون عندو فكرة واضحة على الموضوع بحيث ان محاولة سي بوبكر الصغير للاقناع بان "التونسي لم تعد تستهويه الهجرة" او ان التونسيين "يعدون من بين اقل الشعوب رغبة في الهجرة" هي حسب رأينا محاولة فاشلة لتسطيح الحقائق و التجهيل و تغييب المعلومات , لذلك نوجّهو للسيد "الصغيّر " نداء باش يرفع مستوى المقاربة متاعو في مجال الهجرة و يعمل تحيين * للأساليب الدوروية اللي "عفى عليها الزّمن و اكل عليها الدهر و شرب " (باللسان الدوروي الفصيح) و ما عادش تجد حتى على ممّاتي .
انتظروا المزيد في مدونة الكلاندستان المتخصصة في الهجرة الشرعية و الغير شرعية |
|
مرسلة بواسطةهيئة تحرير بودورو
|
عدد التعليقات:11
التسميات:
الصريح
|
|
على الساعة 12:42
|
|
الحدث 15/08/2007
الصّدفة هي ان يتزامن هذا المقال مع تعديل أسعار السميد و مشتقّات الحبوب |
|
مرسلة بواسطةهيئة تحرير بودورو
|
عدد التعليقات:6
التسميات:
الحدث
|
|
الأحد، أغسطس 12، 2007 على الساعة 23:40
|
|
أنا في بالي اللي عصر السحرة والدجالين و الخيميائيين ( هاذم اللي يحوّلو الرصاص لذهب ) مشى على روحو , من وقت اللي كانوالاوروبيين يعيشو في مناطق الظل و يعانيو من الجهل و الامية و الاوبئة والحروب الإقطاعية و الميزيريا الكلبة , و من حملات صيد الساحرات اللي لا تسيّب لا من سلم لا من كفر ... لكن يظهرلي اللي في تونس الغد (اللي داخلين بيها على الألفية الثالثة ) عملية مماثلة تبدو اكثر من ضرورية.
و السؤال اللي يطرح نفسو هو علاش مع ارتفاع نسب التمدرس و التأطير ارتفعت نسبة الإيمان بالخرافات و المشعوذين و المشعوذات و علاش القطاع هذا يعيش انتعاشة قصوى على عكس بقية القطاعات الإقتصادية... و السؤال الاهم هو علاش الصحافة التونسية تتبنى حملة نشر الجهل و الفكر القروسطي (تحت غطاء اشهاري)؟ , علاش المرّة هاذي قامت بدورها كيف ما يلزم و هي اللي بعمرها ما تحمّلت حتى مسؤولية و بعمرها ماقامت بحاجة تصلح اصلا؟ علاش الصحافة الوطنية (حرام فيهم الصفة هاذي) ولات مرتع للمشعوذين اللي يسترزقو بالتحيّل و الضحك على الذقون و يحققوا في ارباح طائلة ؟( ما هياش محسوبة في قاعدة الاداء على الدخل او معفاة اصلا من الضرائب). و اشكونهم المسؤولية على المهزلة هاذي ؟ على كل حال اكثر جريدة مرشّحة لنيل دورو الفكر القروسطي لشهر اوت هي جريدة الاعلان اللي تستغل فترة الصيف لتكثيف المقالات اللي تعدد انجازات العرافين المختصّين في العلوم الكل : الامراض النفسية و العضوية و الجنسية و الروحانية و فك العقد الدفاعية و الهجومية و الحفاظ على عذارة الشباك و تسهيل الزواج و تقريب المكتوب و جلب الحظ و الربح في التجارة و النجاح في الدراسة ... ك             الإعلان عدد 1738 من 10 الى 16 اوت 2007 |
|
مرسلة بواسطةهيئة تحرير بودورو
|
عدد التعليقات:7
التسميات:
الإعلان
|
|
الجمعة، أغسطس 10، 2007 على الساعة 16:56
|
|
نظرا لخصائصها المثيرة للأعصاب أصلا و قدرتها العجيبة على رفع معدلات السّكر و ضغط الدم لدى القراء فجريدة أخبار الجمهورية تدعّـم الفاعلية متاعها بكيلو بقلاوة سيبار , و ما نعرفش اذا كان هذا داخل في نطاق البيع المشروط او في نطاق التقنيات الحديثة للتسويق...
على كل حال بادرة طيّبة تفتح المجال أمـام المنافسة و اكتساح الأسواق و تخلّينا نأملو في ما خير , من قبيل "مع هذا العدد اطلبو الملحق و كعبة الغريّبة " أو " صحفة عصيدة للي يعمل اشتراك قبل المولد" "و الاّ "مرتك باش تولد ؟؟اعملها اشتراك و اربح الزرير بلاش" ؤ اخبار الجمهورية من 09 الى 15 اوت 2007 ص11 |
|
مرسلة بواسطةهيئة تحرير بودورو
|
عدد التعليقات:4
التسميات:
أخبار الجمهورية
|
|
الخميس، أغسطس 09، 2007 على الساعة 22:00
|
|
المقالات المجهولة هي مقالات غير ممضاة و غير معروفة المصدر , وهي عادة ما تتصدر الصحف التونسيّة و تاخذ حيّز كبير من الحجم الكلي للصحيفة. و رغم تشابهها في استعمال القوالب الجاهزة و الصيغ التونسية الاصيلة للكتابة الصحفية الدوروية فإن هذه المقالات تتنوع و تختلف في مقاصدها و توجهاتها و خلفياتها و المواضيع اللي تتناولها و الاشخاص اللي تقوم بسبهم علنا و على رؤوس الملأ و لمزيد التوضيح تقدملكم هيأة التحرير سيليكسيون الاسبوع للمقالات المجهولة: صحيفة المصوّر ليوم الاثنين 06 اوت 2007 تنشر مقالة مجهولة للدفاع عن دولة القانون و تلخصها في الشنقال و الساشيات السوداء و الكاغذ الاشخم متاع الجزارين ...  جريدة الحدث متاع الاربعاء 08اوت 2007 تنشر مكالمة هاتفية لمواطن عربي منبهر بالعيشة في تونس و يتمنى انو هو زادة يتمتع بخدمات تونيزي تيليكوم و تخفيض معلوم التأمين على الموتورات و بالمناسبة يعبّر عن انبهاره بالجريدة ذاتها و يسأل عن كيفية الحصول عليها في بلاده ؟؟؟  مجلة الحقائق النسخة العربية(العدد 41) تعدد انجازات النظام الجمهوري  مقالة أخرى لصحيفة الحدث (01 اوت 2007) في تغطية لخفايا قضية المحامي محمد عبّو
 هذية موش القائمة الكاملة على خاطر شهر اوت مازال طويل و مازالنا نستناو عديد المقالات الهامة وهو ما يجعل "الدورو الذهبي "يمكن يمشي للـ الصحفي المجهول . لقراءة المقالات يكفي الضغط على الصورة |
|
مرسلة بواسطةهيئة تحرير بودورو
|
عدد التعليقات:6
|
|
الثلاثاء، أغسطس 07، 2007 على الساعة 22:31
|
|
Quand on est devant un article pareil, on ne peut que saluer le génie et le savoir faire du journal "les annonces--الإعلان " , on est devant un évennement majeure de l'histoire, un moment que les générations futures vont retenir et porter en eux vers les étoiles. C'est un exploit jamais égalé, une consécration de la technologie tunisienne, la suprémacie de l'intelligence du genie de nos compatriotes (j'ai les larmes aux yeux) ... on a rien à envier aux allemands, japonais et americains... ... le rêve ultime de l'humanité est realisé, le voyage vers le futur devient possible, la machine du temps existe, elle est dissimulé quelques part dans les locaux du journal "les annonces"... finalement on remercie notre ami mossab ben rhouma pour ce " clin d'oeil-coup de pouce" , qui sera nominé pour le Dourou sci-fi du mois. |
|
مرسلة بواسطةهيئة تحرير بودورو
|
عدد التعليقات:5
التسميات:
الإعلان
|
|
الاثنين، أغسطس 06، 2007 على الساعة 10:49
|
|
تبقى جريدة الحدث دائما اهم منابر الإعلام الغير الملتزم بالقوانين و الضوابط , و اداة للسب العلني و الثلب و تقطيع اعراض الناس ( شوفو مقالاتهم في السيد رئيس الـ "ار اس اف"ـ و بعض الشخصيات التونسية اللي ما جاتش على طاسة سي عبد العزيز الجريدي فيوصلو لدرجة النعوت اللااخلاقية اتهامات بالكبت الجنسي و الشذوذ و الحرمان...المقالات هاذم للاسف ما تمكنتش باش نعثر عليهم )
في العدد الاخير متاع الحدث (ليوم 01 اوت 2007) نلقى مقالة بقلم "عماد الحضري" وهي مقالة تعتبر مثال و نموذج في اللغة الخشبية و تصلح تكون مرجع في المجال هذا على خاطر تتوفر فيها كل مقومات صحافة الخمسة ملاليم الأصيلة , و اللي ننصح الفرنسيس ( اقدم منا في استعمال اللغة المضروبة) اللي طورو موتور متاع توليد اللغة الخشبية و تحويل كلام خلق ربي الى كلام رجالات السياسة.باش يواضبو على قراءة الحدث و الفائدة باذن الله مضمونة. |
|
مرسلة بواسطةهيئة تحرير بودورو
|
عدد التعليقات:9
التسميات:
الحدث
|
الاشتراك في:
الرسائل (Atom)