الاثنين، ديسمبر 14، 2009 على الساعة 19:11

"العب قدّام داركم يا سي سفيان" ، هو عنوان بطاقة "عم صالح الحاجّة" اليومية ليوم الاحد 13 ديسمبر 2009. اللي جات على مستوى عالي من الحرفية الصحفية ، و تعبّر على المستوى الراقي للحوار ما بين الزملاء و تأكد على تقاليد الصحافة التونسية في تشجيع الصحفيين الشبّان و الاخذ بايديهم في العالم الكبير متاع السلطة الرابعة .

العب قدّام داركم يا سي سفيان، جملة بسيطة و معبّرة في آن واحد، جملة لا شرقية و لا غربية ، بالعكس جات بلساننا التونسي الفصيح...
جملة يصعب انّك تسمع كيفها في الصحافة العربية او الافريقية و الاسياوية و لا حتى في صحافة امريكا اللاتينية ( رغم اللي الدول هاذي معروفة بالتكوير و عندها القاب كبيرة في ميدان كرة القدم ) ، جملة تضاف الى الرصيد الكبير للصحافة التونسية من الابداعات الصحفية الفريدة من نوعها ، و تختزل تجربة صحفية لقيدوم الصحافة التونسية و رئيس دار الصريح العريقة ..
جملة ديما نسمعوها في حومنا و احيائنا ، في رمضان على سبيل المثال ، قداش من مرّة يقوم واحد من (رجالات) الحومة باش يبعّد الفروخ اللي يضربوا في الفوشيك قدام دارو و ما خلاوش يقيّل و يقلّهم "العبوا قدام داركم..."؟؟؟
شكون ما يتذكرش العزوزة الشمطاء متاع الحومة (على خاطر كل حومة تونسية فيها شخصية من النوع هذا)، تفكّ الكورة و تقطـعها بسكين الكوجينة و ترميها للفروخ مصحوبة بـ "العبو قدام داركم ..الوباء و الفناء و.........ليكم و لوالديكم)

في الصحافة التونسية كيما في الحومة العربي ، الكبير كبير (الكبير ربّـي بطبيعة الحال) و الصغير صغير، و بعمرها العين ما تعلى على الحاجب ، و سي سفيان الشورابي -الله يهديه- تجرّأ و حبّ يضرب فوشيكة قدام دار "عم صالح" فكانت الافتتاحية هاذي و افتتاحية نهارة السبت 12 ديسمبر 2009 ، اللي للأسف ما تمكناش من الحصول عليها (لظروف خارجة عن نطاقنا).
فلوكان موش سفيان غلط في حقّ الكبير ، المعلّم ابو زياد ، القيدوم، قائد الفريق و رئيس هيئة التحرير ماكانش يسمع كلام كيما برّة العب قدام داركم ، و "عيّش ولدي" ، و "أنا بوك" ، و "راني كبير عليك" ...
و مستقبلا يلزموا يلتزم بالحدود اللي يحددها "عم صالح" و ما يلعب كان في الملعب اللي يقلو عليه "عم صالح"، بالكورة متاع "عم صالح" و حذار و إياه ثمّ إياه يعمل تصريح ربما و لا قدّر الله يتجرّأ على صحيفة الصريح..
انشالله يكون صوفينو فهم الدّرس ..
و هذية صورة الافتتاحية متاع الصريح ليوم الاحد :



لقراءة كامل المقال اضغط على الصورة

مقالة متميّزة تنتظر لفتة (او جزرة) من الاطراف المعنية (محليا و دوليا) قصد اعطائها الاعتبار اللازم و لما لا اعتمادها من طرف الهيئات الدولية لاسناد جائزة البوليتزر لكاتبها، الا انو في الانتظار احنا نرشّحوا عم صالح للدورو الذهبي ، دورو يليق بمقام الكبارات و لقب يضمن لهم عدم لعب الصغار مستقبلا في ساحاتهم.




توضيح : سفيان الشورابي صحفي شاب يعمل في صحيفة الطريق الجديد(الناطقة بلسان حركة التجديد) و مراسل لعدد من المواقع الالكترونية.

مرسلة بواسطةهيئة تحرير بودورو
التسميات: ,

هناك 12 تعليقًا:

مراد يقول...

@هيئة تحرير بودورو
تعرفوش علاش العنوان هذكا
الراجل يحسايب نفسو فرنك و اربعة في الصحافة.ماهو عمناول كيف صارت فوعة معا الصريح قال و كتب انّو ما يعترفش بالأنترنات "أنا كائن ورقي"قالك...و جماعتو في الضريح يعيطولو "عميد الصحافة بتونس" ههههههههه

ASLAMA ISALMEK يقول...

أنا يا سفيان يا شورابي نتحدّى ابيك صالح الحاجّة كان يعطينا نشوفو "مانوسكري" معناها ورقة متاع مقال مكتوب بخط اليد، باش نقيموه ونشوفوه يا لندرا هو صحافي كبير وإلا لا...ووقتها نشوفو شكون يلزمو يلعب قدام دارهم : سفيان وإلا صالح؟

IL PADRINO يقول...

هالغيبة عدتم والعود صالح ههه

H.B.J يقول...

حتى سفيان بالغ كثيرا في مقالاته ،

ارجو بما انو هو مدون يجي يعلق هنا و يقول لنا منين جاب الجمله الاخيره اللي كتبها و قال الهجمه طالت المدونات بعد الصحف ...

و علاش الازدواجيه في الادانه انا ايظا اتعرض لحملات ثلب و سب في البلوغسفار بسبب انتمائي السياسي ولا حلال علينا حرام عليكم !!

mehdi يقول...

في بالي ماتت بودورو

mastra et mahbouba يقول...

@hbj
يابن جمعة يقولش عليك تعمل في بحث.اذا كانك ما تعرفش عدد المدونات اللي طالهاالغلق راهو اعرافك يعاركوك و يحطّو واحد اخر اذكى منك. و شوف لوكان تقرى الحكمة المدونين و القرّاء يعرفوك انك موظف خدمتو التدوين و التعليق في المدونات. دونك زايد تعمل روحك نوتر و سامبتيك.سيب عليك هالقلم

Umzugsunternehmen Wien يقول...

جددوا موضوعتكم .. رجاءاً :)

Müllentsorgung يقول...

شكراً لكم ع الموضوعات المتنوعة ... موفقين :)

Umzug in die Schweiz يقول...

موفقين .. وعايزيين نشوف الجديد !؟

Umzug Wien يقول...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

entrümpelung wien يقول...

الموضوع ممتاز جدا
entrümpelung
entrümpelung
entrümpelung wien

ربح من النت يقول...

شكراّ ع الموضوع :)